19 қыркүйекте Жетісу облысы Панфилов аудандық мәдениет үйінің директоры М. Қатубековтың бастамасымен «Сапалы жолдар – аймақты дамыту жолы» тақырыбында дөңгелек үстел ұйымдастырылды, деп хабарлайды Dalanews.kz

Іс-шара 2025 жылғы 8 қыркүйекте жарияланған Мемлекет басшысының «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауында көтерілген идеялармен сабақтасты. Кездесуде жол инфрақұрылымының сапасы аймақтардың әлеуметтік-экономикалық дамуына тікелей ықпал ететіні атап өтілді. Жол саласында цифрлық технологияларды қолданудың тиімділігі мен деректерге негізделген тәсілдердің маңызы талқыланды. Қатысушылар сапалы жолдардың көлік қатынасының қауіпсіздігі мен қолжетімділігін арттыратынын айтты.

Сондай-ақ жол құрылысы мен күтіп-ұстауда инновациялық шешімдердің рөліне назар аударылды. Жасанды интеллект элементтерін пайдалану арқылы жол жағдайын талдау және мониторинг жасау мүмкіндіктері сөз болды. Инфрақұрылымның сапасы инвестициялық тартымдылықты күшейтетін фактор ретінде қарастырылды. Аймақтар арасындағы байланысты нығайтудағы жол желісінің орны кеңінен қозғалды. Қалалар мен ауылдар арасындағы қатынасты жақсартуда сапалы жолдардың маңызы ерекше екені айтылды.

Дөңгелек үстел барысында цифрландыру мен технологиялық жаңашылдықтардың саланың ашықтығы мен тиімділігін арттыратыны атап өтілді. Жол сапасы халықтың күнделікті өмір сапасымен тығыз байланысты екені айтылды. Іс-шара пікір алмасу алаңына айналып, саланың өзекті мәселелерін жан-жақты қарастыруға мүмкіндік берді. Дөңгелек үстел аймақтық дамуда сапалы жолдардың стратегиялық мәнін айқындай түсті.