Ресейлік Никита Кузнецов Қазақстан мен Ресей халықтарының достығын көрсету мақсатында Қазан қаласынан Алматыға дейін жаяу сапарға шықты, деп хабарлайды dalanews.kz.
«Интернеттегі жаңалықтардың бәрі жаман. Ал мен басқа нәрсені көрсеткім келді», - дейді Никита.
Осы оймен Ресей азаматы Никита Кузнецов Қазаннан Алматыға дейін жаяу жолға шықты.
40 күннен астам уақыт ішінде ол жүздеген шақырымды еңсеріп, шатырда түнеуді үйренген. Сондай-ақ ондаған қазақстандықпен танысып, шынайы өмірдің адамдар әлеуметтік желілерде бір-біріне жазатын пікірлерден мүлде өзгеше екеніне көз жеткізген.
Никита жолға 9 мамыр күні шыққан.
