Қызылорда облысында қыздың өліміне қатысы бар деген күдікпен бір адам ұсталып, сот шешімімен қамауға алынды. Күдікті Шиелі ауданының тұрғыны екені белгілі болды, деп хабарлайды dalanews.kz.
3 маусымда полицияға Шиелі ауданындағы канал шлюзінен қыздың сүйегі табылғаны туралы хабар түскен. Осы дерек бойынша адам өлтіру бабымен қылмыстық іс қозғалған.
Алдын ала мәліметке сәйкес қыз 2 маусымда кешкі уақытта үйінен шығып кеткеннен кейін оралмаған.
Қазір құқық қорғау органдары оқиғаның барлық мән-жайын анықтау үшін тергеу жүргізіп жатыр.
Бұл оқиға Қызылорда облысы Полиция департаменті басшылығының ерекше бақылауында.
