Мәжіліс депутаты Еділ Жаңбыршин қор-қорды заңдастыруға қарсы екенін мәлімдеп, оның жастар арасында кең таралғанына алаңдаушылық білдірді, деп хабарлайды dalanews.kz.
Депутаттың пікірінше, қор-қор мәселесі ойын-сауық немесе бизнес емес, ұлт денсаулығына қатысты мәселе болуы керек.
Ол әсіресе жасөспірімдер мен жастар арасында қор-қор шегу көбейіп кеткенін айтып, мұндай жағдайда оны заңдастыру дұрыс емес екенін жеткізді.
«Мен жалпы қор-қорды заңдастыруға қарсымын. Бұл дұрыс емес, себебі оны жас балдар тартады. Жас қыздар тартады, жасында. Яғни біз болашақ ұрпақтың денсаулығын қорғап отырғанымыз. Сондықтан мен өзім түбегейлі оны заңдастыруға қарсымын», - деді Еділ Жаңбыршин.
Айта кетейік, Қазақстанда қор-қорды заңдастыру мәселесі қоғамда бірнеше жылдан бері талқыланып келеді.
