Астанада "ҚазМұнайГаз" ҰК АҚ Басқар"
Айта кетсек, CNOOC Қазақстанға алғаш рет инвестиция құймақшы. Компания оны геологиялық барлау жобаларынан бастап отыр.
Серіктестік "Жылыой" геологиялық барлау жобасын 50/50 тепе-тең талаптармен бірлесіп іске асыруды көздейді. Бұл ретте барлау кезеңін CNOOC қаржыландыратын болады.
Жоспарланған геологиялық барлау жұмыстарының минималды бағдарламасы мыналарды қамтиды:
- 3D сейсмикалық барлау (дала жұмыстары, 400 шаршы км деректерін өңдеу және талдау)
- 2D 400 бойлық км тарихи деректерді қайта өңдеу
- 2000 м тереңдікте бір тұзүсті барлау ұңғымасын бұрғылау (тәуелсіз кезең)
- 3D сейсмикалық барлау деректерінің нәтижелеріне қарай тереңдігі 4500 м бір тұзасты барлау ұңғымасын (тәуелді кезең) бұрғылау.
Айта кетсек, CNOOC (ChinaNational Offshore Oil Corporation) - барлау мен өндірумен айналысатын мұнай-газ саласындағы әлемдік көшбасшы компаниялардың бірі. Ол халықаралық серіктестермен белсенді ынтымақтастық орнатып, 20-дан астам елде ірі жобаларды іске асыруға атсалысады.
Бұған дейін Қазбек Құсайынов "ҚазМұнайГаз" ҰК АҚ Басқарма төрағасының орынбасары болып тағайындалғанын жазғанбыз.
