Қазақстандағы депозиттердің жалпы көлемі 50,16 трлн теңгеге жетіп, 2026 жылға жоспарланған мемлекеттік бюджет кірісінен 2,2 есе асып түсті, деп хабарлайды dalanews.kz.
2026 жылғы тамызда резиденттердің депозиттері бір айда 1,5 пайызға төмендеп, 50,16 трлн теңгені құрады. Соған қарамастан жыл басынан бері депозиттік база 4,5 пайызға өскен.
Депозиттердің төмендеуі негізінен шетел валютасындағы салымдардың қысқаруына байланысты болды. Тамыз айының соңында ұлттық валютадағы депозиттер 40,96 трлн теңге, ал шетел валютасындағы депозиттер 9,2 трлн теңге болды.
Бұл ретте заңды тұлғалардың депозиттері бір айда 3,9 пайызға азайып, 21,62 трлн теңгені құрады. Ал жеке тұлғалардың салымдары керісінше 0,1 пайызға өсіп, 28,54 трлн теңгеге жетті.
Осылайша, жеке тұлғалардың банктердегі депозиттері елдің жалпы ішкі өнімінің шамамен 17,9 пайызына тең. Халықтың салымдары заңды тұлғалардың депозиттерінен шамамен 6,9 трлн теңгеге көп.
Салыстыру үшін, 2026 жылы мемлекеттік бюджетке түсетін түсімдер 23,1 трлн теңге көлемінде болжанған. Демек, банктердегі депозиттердің жалпы портфелі бюджетке бір жылда түседі деп күтілетін кірістен шамамен 2,2 есе жоғары.
