Шығыс Қазақстан облысында 17 жастағы оқушы сабақ үстінде сынып жетекшісін балағаттағаны үшін 30 275 теңге айыппұл арқалады, деп хабарлайды dalanews.kz.
Оқиға 19 қазанда Марқакөл ауданында болған. Жасөспірім сыныптастарының көзінше мұғалімге дөрекі сөздер айтып, ар-намысына тиген. Осы жағдайға байланысты іс сотқа жеткен. Сот оқушының әрекетін ұсақ бұзақылық деп таныды.
Сот отырысында жасөспірім кінәсін мойындап, жасаған ісіне өкінетінін жеткізген. Сондай-ақ сынып жетекшісінен кешірім сұраған.