Бұл жаңалықпен әншінің анасы әрі продюсері Гүлзира Айдарбекова әлеуметтік желідегі парақшасында бөлісті. Мобильді қосымша қос тілде – қазақ және орыс тілдерінде жасалған.
Қосымшада Қайрат Нұртастың әндері мен альбомдары, оған қатысты БАҚ беттерінде жарияланған жаңалықтар, әншінің қолға алған жобалары бар. Бұған қоса, осы қосымша арқылы әншіні түрлі іс-шараға шақырып, тапсырыс беруге болады. Кез келген адам жаңа қосымшаны ұялы телефонына жүктей алады.
