Бүгін таңертең Үкімет басшысы Олжас Бектенов Үкімет отырысын ашып, жаңа білім министрі Жұлдыз Сүлейменоваға ант беру үшін сөз берді, деп хабарлайды Dalanews.kz.
Сол сәтте оған қоңырау шалынды.
Камера қайтадан премьер-министрге бағытталған кезде, Бектеновтің орны бос болып шықты.
Оның орынбасарлары Роман Скляр мен Ғалымжан Қойшыбаев бірнеше секундқа абдырап қалды, содан кейін залда тыныштық орнады.
Жарты минуттан кейін бірінші вице-премьер Роман Скляр сөз алып, Үкімет отырысын премьер-министрдің жоқ болу себебін түсіндірместен жалғастырды.
Артынша Денсаулық сақтау министрі Ақмарал Әлназарова сөз сөйлеп жатқан кезде премьер-министр залға қайта оралды.
