Пентагон Иранға жасалған соққылардың алғашқы екі күнінде 5,6 млрд долларлық оқ-дәрі жұмсаған, деп хабарлайды Dalanews.kz.
АҚШ Қорғаныс министрлігі Иранға жасалған соққылардың алғашқы екі күнінде шамамен 5,6 миллиард доллар көлемінде оқ-дәрі пайдаланған. Бұл туралы The Washington Post басылымы хабарлады.
Басылымның жазуынша, мұндай ірі шығын АҚШ Конгресіндегі бірқатар өкілдердің алаңдаушылығын күшейткен. Олар америкалық әскерилердің ең заманауи қару-жарақ қорын тым жылдам сарқып жатқанына назар аударып отыр.
Конгресс мүшелерінің пікірінше, қазіргі қарқын сақталса, АҚШ-тың жоғары технологиялы қару-жарақ қоры қысқа уақытта айтарлықтай азаюы мүмкін.
