Brent маркалы мұнайдың құны 5%-ға өсіп, баррелі 113 долларға жетті, деп хабарлайды dalanews.kz.
Бұған ирандық агенттіктер таратқан АҚШ әскери-теңіз күштерінің кемесіне жасалған зымыран шабуылы туралы ақпарат себеп болған.
АҚШ тарапы әзірге бұл шабуылды растаған жоқ, сондай-ақ тәуелсіз дереккөздерден де нақты дәлел келтірілмеген. Axios басылымына берген дереккөз кеме соққыға ұшырады деген ақпаратты жоққа шығарды.
Ал FARS агенттігінің мәліметінше, АҚШ-тың «фрегаты» Джаск порты маңындағы Ормуз бұғазына кіреберісте Иран әскери-теңіз күштерінің ескертуін елемегеннен кейін екі зымыранмен атқыланған.
