Мемлекетке құны 6 миллиард теңгеден асатын мүлік қайтарылды

Қаракөз Амантай 13 мау. 2024 11:32 1877

Бас прокуратура биыл әскери прокуратура органдарының белсенді жұмысының нәтижесінде сомасы 6 миллиард теңгеден астам мүлік мемлекетке қайтарылғанын хабарлайды, деп хабарлайды Dalanews.kz.

Бас әскери прокурордың талабы бойынша Жоғарғы сотпен құны 5 миллиард теңгеден асатын Қорғаныс министрлігінің қорғаныс нысаны қайтарылған.

"Алматы қаласында көлемі 16 мың шаршы метрден асатын 10 қоймадан, 2 әкімшілік ғимараттан, 2 өндірістік цехтан тұратын мүліктік кешен 20 жыл бойы жеке тұлғаның сенімгерлік басқаруында болған", – делінген хабарламада.

Қазір қайта тіркеу рәсімі жүріп жатыр, одан кейін нысан қорғаныс қажеттіліктері үшін пайдаланылады.

Сондай-ақ қадағалау актілері бойынша құны 180 миллион теңге болатын 22 жер телімі армияға қайтарылған. 25 жылдан астам заңсыз иелікте болған, жалпы құны 400 миллион теңгені құрайтын 200-ден астам қызметтік пәтер мемлекет балансына қойылып, олар тұрғын үйге мұқтаж әскери қызметшілерге таратылады.


Ұсынылған
Соңғы жаңалықтар