Bas prokýratýra biyl áskeri prokýratýra organdarynyń belsendi jumysynyń nátijesinde somasy 6 milliard teńgeden astam múlik memleketke qaitarylǵanyn habarlaidy, dep habarlaidy Dalanews.kz.
Bas áskeri prokýrordyń talaby boiynsha Joǵarǵy sotpen quny 5 milliard teńgeden asatyn Qorǵanys ministrliginiń qorǵanys nysany qaitarylǵan.
"Almaty qalasynda kólemi 16 myń sharshy metrden asatyn 10 qoimadan, 2 ákimshilik ǵimarattan, 2 óndiristik tsehtan turatyn múliktik keshen 20 jyl boiy jeke tulǵanyń senimgerlik basqarýynda bolǵan", – delingen habarlamada.
Qazir qaita tirkeý rásimi júrip jatyr, odan keiin nysan qorǵanys qajettilikteri úshin paidalanylady.
Sondai-aq qadaǵalaý aktileri boiynsha quny 180 million teńge bolatyn 22 jer telimi armiiaǵa qaitarylǵan. 25 jyldan astam zańsyz ielikte bolǵan, jalpy quny 400 million teńgeni quraityn 200-den astam qyzmettik páter memleket balansyna qoiylyp, olar turǵyn úige muqtaj áskeri qyzmetshilerge taratylady.
