Қазақстанда салық талаптарын орындамаған сатушылардың маркетплейстердегі саудасын уақытша тоқтату ұсынылды. Тиісті түзетулер "Ашық НҚА" порталында 2026 жылғы 25 қыркүйекке дейін талқыланады, деп хабарлайды dalanews.kz.
НеХабар мәліметінше, онлайн сауданың жалпы көлемі 2 трлн теңгеден асқан. Соның ішінде 200 млрд теңгенің тауары растайтын құжаттарсыз сатылған. Бұл деректер камералдық бақылау кезінде анықталып, сатушыларға хабарламалар жолданған.
Ұсынылып отырған 89-1-бапқа сәйкес, талаптарды орындамаған сатушының саудасын тоқтату туралы шешімді салық органы қабылдайды. Мұндай жағдайда маркетплейс оның аккаунтын бұғаттауға міндетті болады. Сатушы заңбұзушылықтың себебін жойғаннан кейін шектеу алынады.
