Qazaqstanda salyq talaptaryn oryndamaǵan satýshylardyń marketpleisterdegi saýdasyn ýaqytsha toqtatý usynyldy. Tiisti túzetýler "Ashyq NQA" portalynda 2026 jylǵy 25 qyrkúiekke deiin talqylanady, dep habarlaidy dalanews.kz.
NeHabar málimetinshe, onlain saýdanyń jalpy kólemi 2 trln teńgeden asqan. Sonyń ishinde 200 mlrd teńgeniń taýary rastaityn qujattarsyz satylǵan. Bul derekter kameraldyq baqylaý kezinde anyqtalyp, satýshylarǵa habarlamalar joldanǵan.
Usynylyp otyrǵan 89-1-bapqa sáikes, talaptardy oryndamaǵan satýshynyń saýdasyn toqtatý týraly sheshimdi salyq organy qabyldaidy. Mundai jaǵdaida marketpleis onyń akkaýntyn buǵattaýǵa mindetti bolady. Satýshy zańbuzýshylyqtyń sebebin joiǵannan keiin shekteý alynady.
