Жетісай ауданында 49114 адам спортпен айналысады
2018 жылы демеушілер есебінен Жетісай қаласынан –1, Ералиев а/о – 2, Қызылқұм а/о – 1 және жергілікті бюджет есебінен Жетісай қаласынан – 2 спорттық алаңшалары салынды. Жалпы ауданда 383 спорттық нысан тіркелген. Спорт мекемелерінде спорттың бірнеше түрімен шұғылданатын жасөпірімдер саны 1722-ге жетіп отыр.
2019 жылы Мемлекеттік-жекешелік әріптестігі аясында Жетісай қаласынан бассейн, Қазыбек би а/о стадион, Ділдәбеков а/о спорт алаңшасын салу үшін сәулет-жоспарлау тапсырмасы әзірленіп, Түркістан облысының дене шынықтыру және спорт басқармасына ұсынылды. Бұдан бөлек, Жылы су а/о демеушілер есебінен спорт зал салу үшін жұмыстар жүргізілуде. Сонымен қатар, Жетісай қаласынан орталық спорт кешенін салу үшін жобалық сметалық құжаттар дайындалып, республикалық бюджеттен қаржы қарастырылуда.
