Жамбылда ер адам құрылыс материалын бермеген көршісін пышақтап тастаған, деп хабарлайды Dalanews.kz.
Қыркүйекте Шу ауданы Төле би ауылында Д. мен оның көршісі Б. арасында жанжал туындаған. Б. Д.-ға уақытша құрылыс құралдарын беруден бас тартқан. Осылайша жанжал төбелеске ұласқан, артынша Д. үстелде жатқан пышақты алып, Б.-ның іш тұсына сұғып алған.
Жәбірленуші ауыр жарақат алып, Шу қалалық ауруханасына жеткізілген.
Д. ҚК-нің 106-бабы 1-бөлігі бойынша кінәлі деп танылды, оған 3 жыл бас бостандығынан айыру жазасы тағайындалды. ҚК-нің 63-бабын қолдана отырып, тағайындалған жаза шартты деп танылды.
Үкім заңды күшіне енді.
