Евгений Кочетов Қазақстан Республикасы Президенті әкімшілігінің коммуникациялар бөлімінің меңгерушісі қызметіне тағайындалды, деп хабарлайды dalanews.kz.
«Мемлекет басшысының өкімімен Евгений Дмитриевич Кочетов Қазақстан Республикасы Президенті әкімшілігінің коммуникациялар бөлімінің меңгерушісі болып тағайындалды», – делінген хабарламада.
Кочетов 2023 жылғы қарашадан бастап Мәдениет және ақпарат вице-министрі қызметін атқарған. Бұған дейін, 2023 жылғы ақпаннан бастап Ақпарат және қоғамдық даму вице-министрі болған.
Ал 2020 жылдан бастап «Медиа дамыту қоры» корпоративтік қорының бас директоры қызметінде жұмыс істеген.
