Астанада жүргізілген жедел іс-шаралар барысында есірткіні сақтап, таратумен айналысты деген күдікпен ер адам ұсталды, деп хабарлайды dalanews.kz.
Күдіктінің көлігін тексеру кезінде өзіне тән иісі бар сұрғылт-жасыл түсті зат салынған пакет, екі литрлік бөтелке және осындай зат толтырылған екі бес литрлік ыдыс табылған. Сондай-ақ, электрон таразы тәркіленді.
Сараптама нәтижесі бойынша бұл заттар гашиш екені анықталды.
"Тәркіленген есірткінің жалпы салмағы 7 келіден асады. Бұл дерек бойынша қылмыстық іс қозғалып, күдікті уақытша ұстау изоляторына қамалды", - деді Астана ПД өкілі.
