Қазақстанда Жаңа жыл түні тыныш өтті. Полицияның хабарлауынша, мереке қарсаңында ауыр және аса ауыр қылмыстар тіркелмеген, деп хабарлайды Dalanews.kz.

Ведомствоның мәліметінше, 31 желтоқсан таңынан 1 қаңтарға дейінгі аралықта полицияның 102 жедел нөміріне 11 448 қоңырау түскен. Оның 3082-сі түнгі уақытта тіркелген.

ПД өкілдері қоңыраулардың басым бөлігі ақпараттық сипатта болғанын атап өтті. Азаматтар пиротехника қолдану, мұз айдындарының орналасуы және жаңа жылдық шыршалар жайлы жиі сұраған.