Елордада Достық үйінде халық композиторы, қазақтың дәулескер күйшісі Дина Нұрпейісованың шығармашылығына арналған «Ғасыр саңлағы» кітабы таныстырылды, – деп хабарлайды Dalanews.kz Астана қаласы әкімінің баспасөз қызметіне сілтеме жасап.

Кітапта Дина Нұрпейісованың 20-ға жуық классикалық авторлық әуендерінің тарихи-музыкалық сипаттамасы қамтылған. Бұрын жарияланбаған мұрағаттық деректер негізге алынды.

Кітаптың авторы – қоғам қайраткері, педагогика ғылымдарының кандидаты, профессор және Дина Нұрпейісованың ұрпағы Төлеген Қуанышев. Шығарма қазақ мәдениетіне қызығушылық танытатын ұлттық өнер сүйер қауымға арналған. Туындыны жарыққа шығару алты айға созылған.

– Алдымен дәулескер күйшінің үй мұрағатындағы барлық материалдарына талдау жасадым. Содан кейін ол кітапхана қорларына, соның ішінде Мәскеу кітапханасына, Ленин және Ташкент педагогикалық кітапханасындағы құнды мәліметтерді саралап шығуға тура келеді. Бұл дереккөздердің барлығы менің жұмысымның негізі болды. Кейінірек Алматыдан келген әріптестер QR-кодты кітапқа қосуды ұсынды, ол арқылы Динаның танымал күйшілердің орындауындағы шығармаларын тыңдауға болады. Бұл кітап дебют емес. Жаңа басылым бұрын жарияланбаған материалдармен толықтырылған. Ақпарат жинауға Қазақ Өнер университетінің оқытушылары көмектесті, – дейді туынды авторы.

Өткен жылы Дина Нұрпейісованың бай мұрасына арналған «Астана күй қанатында» атты қалалық күй фестивалі ұйымдастырылған болатын. Биыл сол дәстүр жалғасын тауын күйшінің өмірі мен шығармашылығынан сыр шертетін кітаптың Астана төрінде тұсауының кесілуі жайдан-жай емес.

Достық үйінде күйші мүсінінің ресми ашылуы өтті, алдағы уақытта мұражайдың жеке жәдігерлерімен таныстырылуы өтеді деп күтілуде.