Астанадағы аулалардың бірінде қайғылы оқиға болды, салдарынан кішкентай бала қаза тапты, деп хабарлайды dalanews.kz.
Алдын ала мәлімет бойынша 1 жас 8 айлық сәбиді көлік қағып кеткен. Ол алған жарақаттарынан оқиға орнында көз жұмған.
Полиция бұл дерек бойынша қылмыстық іс қозғады. ІІМ өкілдері ата-аналарға балаларды қараусыз қалдырмау қажет екенін еске салды.
"Kia Seltos көлігінің жүргізушісі жолға жүгіріп шыққан кішкентай баланы қағып кеткен. Бала алған жарақаттарынан оқиға орнында көз жұмды", - деп жазылған хабарламада.
