Ақтөбелік стример желідегі видеосы үшін жауапқа тартылды, деп хабарлайды dalanews.kz.
Полиция TikTok желісінде қоғамдық мораль, мінез-құлық нормаларын өрескел бұзатын видеоны анықтаған. Тексеріс барысында видео авторы Ақтөбе қаласының 32 жастағы тұрғыны екені белгілі болды.
Полиция қызметкерлері оның ұсақ бұзақылық жасағанын, кәмелетке толмаған балаларының тәрбиесіне қатысты ата-ана ретіндегі міндетін тиісінше орындамағанын анықтаған.
"Бұл дерек бойынша тұрғын әкімшілік жауапкершілікке тартылды. Сот шешімімен оған 20 АЕК мөлшерінде әкімшілік айыппұл салынды", - деп жазылған хабарламада.
Айта кетейік, 2026 жылы бұл - 86 500 теңге.
