Ақтауда жанармай құю бекетін тонаған күдікті ұсталды, деп хабарлайды Dalanews.kz.
Түнде жанармай құю бекетінде белгісіз ер адам кассирге пышақ көрсетіп, қорқытып, ақша талап еткен. Қолма-қол қаражатты иемденгеннен кейін оқиға орнынан бой тасалаған.
"Бұл дерек бойынша соталды тергеп-тексеру басталды. Құқық қорғау органдарының кәсіби және жедел әрекеттерінің нәтижесінде күдікті бір сағат ішінде қолға түсіп, уақытша ұстау изоляторына қамалды", - деп жазылған хабарламада.
Тергеу барысында ол өз кінәсін толық мойындады.
