Аудан прокуратурасының ұлттық қауіпсіздік органдарының қызметкерлерімен бірлесіп,жүргізген тексеру кезінде Жақсы ауданында бюджет қаражатын жымқыру фактісі анықталды, деп хабарлайды Dalanews.kz.

Жақсы ауданының білім бөлімінде 22 млн теңге бюджет ақшасы ұрлау фактісі анықталғаны нақтыланады. Бұл қаражат бөлім қызметкерлеріне жалған сыйақы тағайындау түрінде қолды болған.

Аудан прокуратурасымен аса ірі мөлшерде жасалған алаяқтық  бойынша сотқа дейінгі тергеп-тексеру басталды, тергеу ісі облыстың Сыбайлас жемқорлыққа қарсы қызметіне тапсырылды.