Алматыда Жандосов көшесінің бір бөлігінде көлік қозғалысы уақытша шектеледі, деп хабарлайды dalanews.kz.
Алматы әкімдігі мәліметінше, Жандосов көшесінің бір бөлігінде орташа жөндеу жұмыстары жүргізіледі.
11 тамыз сағат 23:00-ден 15 тамыз сағат 23:00-ге дейін қала шекарасынан Дәулеткерей көшесіне дейінгі аралықта көлік қозғалысы реверсивті қозғалыс ретінде ұйымдастырылады. Жол толығымен жабылмайды.
"Жүргізушілерден уақытша қолайсыздыққа түсіністікпен қарап, жолдағы жылдамдық режимін және жол белгілерін сақтауды сұраймыз", - деді әкімдік өкілдері.
