22 желтоқсанға қараған түні Алматыда жер сілкінісі болды, деп хабарлайды Dalanews.kz.
Қазақстан Ұлттық ядролық орталығы Геофизикалық зерттеулер институтының деректер орталығының жедел ақпаратына сәйкес, 22 желтоқсан күні Астана уақытымен 02:16-да Қытай аумағында жер сілкінісі болған. Жерасты дүмпулерінің магнитудасы - 5.
Сейсмологтардың мәліметінше, жерасты дүмпулері Алматы қаласында 2 балл деңгейінде сезілген.
Жер сілкінісінің эпицентрі Қытай аумағында, Как-Шаал-Тоо жотасында орналасқан. Ол Бедел ауылынан оңтүстік-шығысқа қарай 33 шақырым қашықтықта тіркелген. Бұл аумақта жер сілкінісінің қарқындылығы 3,5 баллға жеткен.
