22 jeltoqsanǵa qaraǵan túni Almatyda jer silkinisi boldy, dep habarlaidy Dalanews.kz.
Qazaqstan Ulttyq iadrolyq ortalyǵy Geofizikalyq zertteýler institýtynyń derekter ortalyǵynyń jedel aqparatyna sáikes, 22 jeltoqsan kúni Astana ýaqytymen 02:16-da Qytai aýmaǵynda jer silkinisi bolǵan. Jerasty dúmpýleriniń magnitýdasy - 5.
Seismologtardyń málimetinshe, jerasty dúmpýleri Almaty qalasynda 2 ball deńgeiinde sezilgen.
Jer silkinisiniń epitsentri Qytai aýmaǵynda, Kak-Shaal-Too jotasynda ornalasqan. Ol Bedel aýylynan ońtústik-shyǵysqa qarai 33 shaqyrym qashyqtyqta tirkelgen. Bul aýmaqta jer silkinisiniń qarqyndylyǵy 3,5 ballǵa jetken.
