23 қаңтарда, Қазақстанның басым бөлігін оңтүстік циклон ықпалы әсер етеді. Соған байланысты ел аумағында ауа райы қолайсыз болады, деп хабарлайды Dalanews.kz.
Бұл туралы РМК «Қазгидромет» баспасөз қызметі ұсынған болжамда айтылған:
«Оңтүстік циклон мен атмосфералық фронтальды бөліктердің өтуіне байланысты республиканың басым бөлігінде қар жауады, бұрқасын болады. Елдің оңтүстігі мен оңтүстік-шығысында қатты қар жауады.
Республика бойынша тұман түседі, ал батыс, оңтүстік және оңтүстік-шығыс өңірлерде көктайғақ болады. Шығыс, оңтүстік, оңтүстік-шығыс және орталық аймақтарда желдің күшеюі болжанып отыр.
