قوستاناي سوتى زاڭسىز ميكروقارجىلىق قىزمەت جەنە قىلمىستىق جولمەن الىنعان كٸرٸستەردٸ زاڭداستىرۋ ٸسٸ بويىنشا ٷكٸم شىعاردى. جەرگٸلٸكتٸ تۇرعىن تيٸستٸ ليتسەنزيياسىز مٷلٸك كەپٸلٸمەن قارىز بەرٸپ كەلگەن, ال قىلمىستىق تابىس كٶلەمٸ 1 ميلليارد تەڭگەدەن اسقان, دەپ حابارلايدى dalanews.kz قارجىلىق مونيتورينگ اگەنتتٸگٸنە سٸلتەمە جاساپ.
تەرگەۋ ەر ادام كليەنتتەردٸ ينتەرنەتتەگٸ حابارلاندىرۋلار ارقىلى تارتقانىن انىقتاعان.
"ازاماتتاردىڭ اۋىر ماتەريالدىق جاعدايىن جەنە ەكٸنشٸ دەڭگەيلٸ بانكتەردەن نەسيە الا المايتىنىن پايدالانىپ, ول جىلدىق 120 پايىزعا دەيٸنگٸ جوعارى مٶلشەرلەمەمەن قارىز بەرٸپ وتىرعان. بۇل رەتتە نوتاريالدى كۋەلاندىرىلعان كەلٸسٸمشارتتاردا قارىز سوماسى اسىرا كٶرسەتٸلگەن, ٶيتكەنٸ وعان پايىزدار, رەسٸمدەۋ شىعىندارى جەنە ٶزگە دە تٶلەمدەر الدىن الا قوسىلعان", - دەپ مەلٸمدەدٸ قما.
ٸس ماتەريالدارىندا جەبٸرلەنۋشٸلەردٸڭ بٸرٸنە قاتىستى مىسال كەلتٸرٸلگەن. ٸس جٷزٸندە ول 9 ميلليون تەڭگە العان, الايدا كەلٸسٸمشارتتا 14 ميلليون تەڭگە دەپ كٶرسەتٸلگەن. كەيٸننەن تاعى بٸر كەلٸسٸمشارت رەسٸمدەلٸپ, وندا 18 ميلليون تەڭگەلٸك مٸندەتتەمە قاراستىرىلعان, بٸراق ەيەلگە ول بويىنشا اقشا بەرٸلمەگەن.
كەيٸننەن سوت جەبٸرلەنۋشٸدەن 26 ميلليون تەڭگە ٶندٸرٸپ العان.
قما مەلٸمەتٸنشە, نەتيجەسٸندە 50-دەن استام ازامات ەدەيٸ تيٸمسٸز شارتتارمەن قارىزدىق مٸندەتتەمەلەرگە تارتىلعان. قىلمىستىق تابىس سوماسى ميلليارد تەڭگەدەن استى.
سوت ٷكٸمٸمەن ەر ادامعا 2 جىل 8 اي مەرزٸمگە باس بوستاندىعىنان ايىرۋ جازاسى تاعايىندالدى. سونىمەن قاتار سوت قىلمىستىق جولمەن الىنعان مٷلٸكتٸ تەركٸلەدٸ: ونىڭ ٸشٸندە تٶرت پەتەر, ەكٸ جەر ۋچاسكەسٸ, سونداي-اق Mercedes-Benz G500, Dodge RAM 1500 جەنە Hyundai Santa Fe اۆتوكٶلٸكتەرٸ بار.
ٷكٸم زاڭدى كٷشٸنە ەنگەن جوق.
