جٷگٸرۋ – قولجەتٸمدٸ سپورت تٷرٸ. تۇراقتى جاتتىعۋ اعزانى شىنىقتىرىپ قانا قويماي, كٷيزەلٸستٸ ازايتىپ, جالپى دەنساۋلىقتى نىعايتۋعا ىقپال ەتەدٸ. جٷگٸرۋدٸ قالاي دۇرىس باستاۋ كەرەك?
جٷگٸرۋ – ەڭ قاراپايىم ەرٸ پايدالى سپورت تٷرلەرٸنٸڭ بٸرٸ. ونىمەن اينالىسۋ ٷشٸن ارنايى سپورتزالعا بارۋدىڭ نەمەسە قىمبات قۇرال-جابدىق ساتىپ الۋدىڭ قاجەتٸ جوق. تەك ىڭعايلى اياق كيٸم مەن ىنتا بولسا جەتكٸلٸكتٸ.
جٷگٸرۋ جٷرەك پەن قان تامىرلارىنىڭ جۇمىسىن جاقسارتىپ, قان اينالىمىن كٷشەيتەدٸ. سونىڭ ارقاسىندا جٷرەك اۋرۋلارىنىڭ قاۋپٸ ازايادى. سونىمەن قاتار, بۇل ارتىق سالماقتان ارىلۋدىڭ تيٸمدٸ جولى. بٸر ساعاتتىق جٷگٸرۋ كەزٸندە اعزا جٷزدەگەن كالورييا جۇمسايدى.
جٷگٸرۋ ادامنىڭ كٶڭٸل-كٷيٸنە دە جاقسى ەسەر ەتەدٸ. جاتتىعۋ بارىسىندا ەندورفين گورموندارى بٶلٸنٸپ, سترەسس پەن شارشاۋدى ازايتادى. تۇراقتى جٷگٸرۋ يممۋنيتەتتٸ كٷشەيتٸپ, اعزانى تٷرلٸ اۋرۋلاردان قورعايدى.
ەگەر سٸز جٷگٸرۋدٸ قولعا العىڭىز كەلسە, مىنا ەرەجەلەردٸ ەستە ساقتاڭىز:
1. اسىقپاڭىز. العاشقى كٷنٸ-اق مارافون قاشىقتىعىن باعىندىرۋدىڭ قاجەتٸ جوق. جٷگٸرۋدٸ جىلدام جٷرۋ مەن جەڭٸل جٷگٸرۋدٸ ارالاستىرۋدان باستاڭىز (مىسالى: 2 مينۋت جەڭٸل جٷگٸرۋ, 1 مينۋت جاياۋ جٷرۋ).
2. دۇرىس اياق كيٸم تاڭداڭىز. كەدٸمگٸ جالپاق تاباندى كەدىلارمەن جٷگٸرۋ بۋىندارعا ٷلكەن سالماق تٷسٸرەدٸ. ارنايى امورتيزاتسيياسى بار, جٷگٸرۋگە ارنالعان كروسسوۆكا تاڭداعانىڭىز جٶن.
3. دەنەنٸ قىزدىرۋ. جاتتىعۋدى باستاماس بۇرىن 5–10 مينۋت بۋىنداردى قىزدىرىپ, بۇلشىقەتتەردٸ سوزىڭىز. بۇل جاراقات الۋدىڭ الدىن الادى.
4. تىنىس الۋدى باقىلاڭىز. اۋانى مۇرىنمەن جۇتىپ, اۋىزبەن شىعارۋعا تىرىسىڭىز. ەگەر دەمٸڭٸز تارىلسا, جىلدامدىقتى بەسەڭدەتٸڭٸز.
جٷگٸرۋ – دەنساۋلىقتى نىعايتۋدىڭ, سەرگەك جٷرۋدٸڭ جەنە ويدى رەتكە كەلتٸرۋدٸڭ تاماشا تەسٸلٸ. ەڭ باستىسى – العاشقى قادامدى جاساپ, جٷگٸرۋدٸ باستاۋ.
سابىركۋلوۆ دياس
