اتلانت مۇحيتىندا ساپارلاپ جٷرگەن كرۋيز كەمەسٸندە قاۋٸپتٸ ٸندەت تاراپ, ٷش ادام قايتىس بولدى. تاعى بٸر ناۋقاستىڭ جاعدايى ٶتە اۋىر. الدىن الا دەرەكتەرگە سٷيەنسەك, بۇل حانتاۆيرۋس بولۋى مٷمكٸن, دەپ حابارلايدى dalanews.kz.
ساپار كەزٸندە سىرقات بەلگٸلەرٸ بايقالعان
نيدەرلاندىعا تيەسٸلٸ MV Hondius لاينەرٸ ارگەنتينانىڭ ۋشۋاييا قالاسىنان كابو-ۆەردەگە باعىت العان. Oceanwide Expeditions كومپانيياسىنا قارايتىن كەمەدە شامامەن 150 جولاۋشى بولعان. جول-جٶنەكەي كەمە انتاركتيكا مەن فولكلەند ارالدارىنا سوققان.
الايدا اتلانت مۇحيتىن كەسٸپ ٶتۋ كەزٸندە بٸرنەشە جولاۋشىنىڭ دەنساۋلىعى سىر بەرٸپ, تىنىس الۋلارى قيىنداعان. جالپى التى ادام دەرٸگەرلەردٸڭ باقىلاۋىنا الىنعان.
ٷش ادام كٶز جۇمدى
World Health Organization (دٷنيەجٷزٸلٸك دەنساۋلىق ساقتاۋ ۇيىمى) مەلٸمەتٸنشە, ناۋقاستاردىڭ ٷشەۋٸ قايتىس بولعان. بٸر ادام وڭتٷستٸك افريكادا جانساقتاۋ بٶلٸمٸندە جاتىر.
ايتا كەتەيٸك, ەزٸرگە حانتاۆيرۋس تەك بٸر ادامنان عانا زەرتحانالىق تٷردە راستالعان, قالعان جاعدايلار ناقتى تەكسەرٸلٸپ جاتىر.
العاشقى ناۋقاس كٸم?
العاش بولىپ 70 جاستاعى جولاۋشى سىرقاتتانىپ, كەيٸن كٶز جۇمعان. ونىڭ دەنەسٸ ەۋليە ەلەنا ارالىنا جەتكٸزٸلگەن. بٸراز ۋاقىتتان سوڭ ونىڭ 69 جاستاعى جۇبايىنان دا دەل وسىنداي بەلگٸلەر انىقتالىپ, وڭتٷستٸك افريكاعا جەتكٸزٸلگەن. الايدا سول جەردە جان تاپسىرعان. ٷشٸنشٸ ادامنىڭ دەنەسٸ ەلٸ دە كەمەدە بولۋى مٷمكٸن دەگەن اقپارات بار.
جولاۋشىلاردى تٷسٸرۋگە شەكتەۋ قويىلدى
قازٸر كەمە كابو-ۆەردە استاناسى پرايا قالاسىنىڭ ماڭىندا توقتاپ تۇر. الايدا جەرگٸلٸكتٸ بيلٸك جولاۋشىلاردى جاعاعا شىعارۋعا رۇقسات بەرمەگەن. بۇل جاعداي ناۋقاستاردى دەر كەزٸندە ەۆاكۋاتسييالاۋعا كەدەرگٸ كەلتٸرٸپ وتىر.
حالىقارالىق ۇيىمدار ٸسكە قوسىلدى
كەمە يەسٸ جاعدايدى باقىلاۋدا ۇستاپ وتىرعانىن ايتىپ, جولاۋشىلارعا كٶمەك كٶرسەتٸلٸپ جاتقانىن جەتكٸزدٸ.
ال World Health Organization ۇيىمى ەلدەرمەن بٸرلەسٸپ, ناۋقاستاردى ەۆاكۋاتسييالاۋ جەنە قالعان جولاۋشىلاردىڭ قاۋٸپسٸزدٸگٸن باعالاۋ جۇمىستارىن جٷرگٸزٸپ جاتىر. قاجەت بولسا, كەمەدەگٸلەرگە كارانتين ەنگٸزۋ دە قاراستىرىلىپ جاتىر.
