زىريان اۋدانىندا تاسقىنمەن كٷرەس قىزۋ جٷرٸپ جاتىر
الدىن الا مەلٸمەت بويىنشا تاسقىن سۋدان اۋدانداعى 192 ٷي زارداپ شەگٸپ, تۇرعىنداردىڭ شارۋاشىلىق زاتتارى, ٷي جيحازدارى مەن تۇرمىستىق تەحنيكالارى, ازىق-تٷلٸكتەرٸ بٷلٸنگەنٸ مەلٸم بولدى. تٶنتەنشە جاعداي قىزمەتٸنٸڭ الدىن الا جارييالاعان مەلٸمەتٸ بويىنشا 800 ادام قاۋٸپسٸز جەرگە كٶشٸرٸلگەن. قازٸرگٸ تاڭدا اۋدانداعى 11 ەۆاكۋاتسييالىق قۇتقارۋ نٷكتەسٸندە پسيحولوگتار مەن مەدەتسينا قىزمەتكەرلەرٸ حالىققا قىزمەت كٶرسەتٸپ جاتىر.
سونىمەن قاتار سۋ باسقان اۋماققا ارنايى كوميسسييا توبى كەلٸپ, تاسقىن سۋدان حالىقتىڭ قانشالىقتى شىعىن شەككەنٸن ەسەپتەۋگە كٸرٸسكەن. ەگەر سۋ تاسقىنان ٷي تۇرۋعا جارامسىز بولىپ قالعان جاعدايدا بيلٸك ورىندارى جاڭا ٷي سالىپ بەرۋدٸ كٶزدەپ وتىر. ال ٷي-جايىن ٶز كٷشٸمەن جٶندەپ الۋعا ۇىمتىلعان جاندارعا بيلٸك ورىندارى قاجەتتٸ قۇرىلىس ماتەريالدارى مەن قارجىلاي كٶمەك كٶرسەتۋدٸ ٶز مويىنىنا الىپ وتىر.
– سۋ تاسقىنان زارداپ شەككەن حالىق بٸر تينىندا جوعالتپايدى. ارنايى كوميسسييا جاعدايدى تەكسەرٸپ, تاسقىن سۋدان كەلگەن شىعىندى تولىقتاي ٶتەپ بەرەدٸ. سوندىقتان ٷي-جايسىز قالامىز دەپ ۋايىمداماڭىزدار. ەرتەڭنەن باستاپ تيٸستٸ قارجى بٶلٸنە باستايمىز, – دەپ ٶڭٸر باسشىسى دانيال احمەتوۆ حالىقتى سابىرعا شاقىردى.
قازٸرگٸ تاڭدا ٶرت سٶندٸرۋ جەنە كوممۋنالدىق قىزمەت ٶكٸلدەرٸ سۋ باسقان اۋماقتاردى سۋ سورعىمەن تازالاپ جاتىر. سونىمەن قاتار قۇقىق قورعاۋ ورگاندارى باسپانالارىن ۋاقىتشا تاستاپ كەتكەن حالىقتىڭ ٷي-جايىنا كٷندٸز-تٷنٸ كٷزەت قىزمەتٸن ۇيىمداستىرعانىن دا ايتا كەتۋٸمٸز كەرەك.
"قازگيدرومەت" اۋا-رايىن باقىلاۋ ورتالىعى ناۋرىز ايىندا زىريان اۋدانىندا جاۋعان جاۋىننىڭ مٶلشەرٸ 274%-عا جەتٸپ, جەردٸڭ توڭى 1.50 مەتردٸ قۇراعانىن العا تارتتى. وسىلايشا اۋدان حالقى قىزىل سۋدىڭ قۇرساۋىندا قالىپ قويعان.
