Zyrian aýdanynda tasqynmen kúres qyzý júrip jatyr
Aldyn ala málimet boiynsha tasqyn sýdan aýdandaǵy 192 úi zardap shegip, turǵyndardyń sharýashylyq zattary, úi jihazdary men turmystyq tehnikalary, azyq-túlikteri búlingeni málim boldy. Tóntenshe jaǵdai qyzmetiniń aldyn ala jariialaǵan málimeti boiynsha 800 adam qaýipsiz jerge kóshirilgen. Qazirgi tańda aýdandaǵy 11 evakýatsiialyq qutqarý núktesinde psihologtar men medetsina qyzmetkerleri halyqqa qyzmet kórsetip jatyr.
Sonymen qatar sý basqan aýmaqqa arnaiy komissiia toby kelip, tasqyn sýdan halyqtyń qanshalyqty shyǵyn shekkenin esepteýge kirisken. Eger sý tasqynan úi turýǵa jaramsyz bolyp qalǵan jaǵdaida bilik oryndary jańa úi salyp berýdi kózdep otyr. Al úi-jaiyn óz kúshimen jóndep alýǵa uymtylǵan jandarǵa bilik oryndary qajetti qurylys materialdary men qarjylai kómek kórsetýdi óz moiynyna alyp otyr.
– Sý tasqynan zardap shekken halyq bir tinynda joǵaltpaidy. Arnaiy komissiia jaǵdaidy tekserip, tasqyn sýdan kelgen shyǵyndy tolyqtai ótep beredi. Sondyqtan úi-jaisyz qalamyz dep ýaiymdamańyzdar. Erteńnen bastap tiisti qarjy bóline bastaimyz, – dep óńir basshysy Danial Ahmetov halyqty sabyrǵa shaqyrdy.
Qazirgi tańda órt sóndirý jáne kommýnaldyq qyzmet ókilderi sý basqan aýmaqtardy sý sorǵymen tazalap jatyr. Sonymen qatar quqyq qorǵaý organdary baspanalaryn ýaqytsha tastap ketken halyqtyń úi-jaiyna kúndiz-túni kúzet qyzmetin uiymdastyrǵanyn da aita ketýimiz kerek.
"Qazgidromet" aýa-raiyn baqylaý ortalyǵy naýryz aiynda Zyrian aýdanynda jaýǵan jaýynnyń mólsheri 274%-ǵa jetip, jerdiń tońy 1.50 metrdi quraǵanyn alǵa tartty. Osylaisha aýdan halqy qyzyl sýdyń qursaýynda qalyp qoiǵan.
