ابايدىڭ جيدەبايداعى مۇراجاي ٷيٸنٸڭ العاشقى جوباسىن ٶزٸ جاساعان, دەپ حابارلايدى dalanews.kz 24.kz-كە سٸلتەپ.
اباي - ويشىل, اۋدارماشى, سازگەر, اعارتۋشى, قارا سٶزدٸڭ قادٸرٸن بٸلگەن اقىن عانا ەمەس, سەۋلەتشٸلٸك قابٸلەتٸمەن دە ەرەكشەلەنگەن تۇلعا. جيدەبايداعى اباي مۇراجاي ٷيٸنٸڭ العاشقى جوباسىن ابايدىڭ ٶزٸ جاساعان.
1895 جىلى ٸنٸسٸ وسپاننان قالعان ەسكٸ قىستاۋدىڭ ورنىنا جاڭا, ەڭسەلٸ ٷي سالعىزعان. وسپان 1891 جىلى ٶمٸردەن ٶتكەندە, بەيبٸشەسٸ ەركەجان ابايعا ەمەڭگەرلٸك سالتپەن تۇرمىسقا شىققان. تٶرت جىلدان كەيٸن بوي كٶتەرگەن بۇل شاڭىراق اقىندى شىعارماشىلىق كەمەلٸنە جەتكٸزگەن ورداسى ٸسپەتتٸ. جيدەبايداعى اباي ٷيٸ - قازٸر رەسپۋبليكالىق ماڭىزى بار تاريحي-مەدەني ەسكەرتكٸش.
"جەرگٸلٸكتٸ قۇرىلىسشىلار قاتىسىپ, سەمەي قالاسىنان شەبەرلەر شاقىرتىلعان. شىڭعىستاۋ ٶڭٸرٸندە قالا مەدەنيەتٸنە ساي سالىنعان تۇڭعىش ٷي وسى - اباي ٷيٸ", - دەدٸ اقىن نۇرجان بايتٶس.
