قازاقستاندا WhatsApp مەسسەندجەرٸ ارقىلى تاراعان «زەينەتكەرلەرگە ساناتوريي جولداماسى ٷشٸن 30 اەك قايتارىلادى» دەگەن اقپارات شىندىققا جاناسپايدى, دەپ حابارلايدى Dalanews.kz.
حابارلامادا نە دەلٸنگەن?
«قۇرمەتتٸ زەينەتكەرلەر! ساناتورلىق-كۋرورتتىق ەمدەۋگە ارنالعان جەڭٸلدٸكتەر ەرەجەسٸ بەكٸتٸلدٸ. ەندٸ سٸزدەر قازاقستاننىڭ كەز كەلگەن ساناتوريياسىنا بارا الاسىزدار. جولدامانىڭ تولىق قۇنىن تٶلەپ, ول جەردەن تٷبٸرتەك, تٶلەم شوتى, جەكە كۋەلٸكتٸڭ كٶشٸرمەسٸن الىپ, بانك نەمەسە پوشتا ارقىلى شوت اشىپ, بارلىق قۇجاتتى ەلەۋمەتتٸك قورعاۋ بٶلٸمٸنە تاپسىرۋ قاجەت. ولار سٸزگە 30 اەك, ياعني 117 960 تەڭگە قايتارادى», – دەلٸنگەن حابارلامادا.
بقو شەنەۋنٸكتەرٸ نە دەيدٸ?
الايدا بۇل اقپاراتتى باتىس قازاقستان وبلىسىنىڭ جۇمىسپەن قامتۋدى ٷيلەستٸرۋ جەنە ەلەۋمەتتٸك باعدارلامالار باسقارماسى جوققا شىعاردى. ولار مۇنداي جەڭٸلدٸك تە, ارنايى باعدارلاما دا جوق ەكەنٸن ايتتى.
«مۇنداي جالعان اقپاراتتار سالدارىنان ازاماتتاردان كەلٸپ تٷسەتٸن ٶتٸنٸشتەر كٷرت كٶبەيدٸ. زەينەتكەرلەرگە ناقتى اقپاراتتى eGov پورتالى نەمەسە جەرگٸلٸكتٸ جۇمىسپەن قامتۋ ورتالىقتارى ارقىلى ناقتىلاپ العان جٶن», – دەپ مەلٸمدەدٸ ۆەدومستۆو.
ولار 2023 جىلى مەسليحات زەينەتكەرلەرگە ساناتوريي جولداماسىنىڭ اقىسىن ٶتەۋگە بيۋدجەتتەن قارجى بٶلمەۋ تۋرالى شەشٸم قابىلداعانىن ەسكە سالدى.
زەينەتكەر ساناتورييگە بارا الا ما?
يە, بٸراق بۇل تەك مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ اياسىندا عانا جٷزەگە اسادى. بۇل – مەملەكەت كەپٸلدٸك بەرگەن تەگٸن مەديتسينالىق كٶمەك تٸزٸمٸنە كٸرەدٸ.
ول ٷشٸن الدىن الا تٶلەم دە, جولدامانىڭ قۇنىن ٶتەۋ دە تالاپ ەتٸلمەيدٸ.
قالاي ٶتٸنٸش بەرۋگە بولادى?
ەمحاناعا بارماي-اق, ٶتٸنٸمدٸ eGov پورتالى نەمەسە eGov Mobile قوسىمشاسى ارقىلى بەرۋگە بولادى. ول ٷشٸن:
- دەرٸگەردٸڭ جولداماسى;
- وڭالتۋعا جٸبەرۋ سەبەبٸن راستايتىن قۇجاتتار قاجەت.
قوسىمشا باستامالار بار ما?
جاقىندا ەڭبەك جەنە حالىقتى ەلەۋمەتتٸك قورعاۋ مينيسترلٸگٸ زەينەت جاسىنا جەتكەن ازاماتتاردىڭ بٸرٸنشٸ توپتاعى مٷگەدەك جۇبايىنا جەكە كٶمەكشٸ بولۋىنا مٷمكٸندٸك بەرەتٸن بۇيرىق جوباسىن قوعامدىق تالقىعا شىعاردى.
قۇجات قابىلدانسا, 2026 جىلدان باستاپ زەينەتكەرلەر جەكە كٶمەكشٸ رەتٸندە تٸركەلٸپ, ارنايى جەردەماقى الا الادى.
