جىل باسىنان باستاپ رەسپۋبليكالىق بيۋدجەتتەن 3 ترلن 118,2 ملرد تەڭگە سوماسىنا زەينەتاقى تٶلەندٸ, ونىڭ ٸشٸندە بازالىق زەينەتاقىعا 982,2 ملرد تەڭگە, ىنتىماقتى زەينەتاقى تٶلەمٸنە 2 ترلن 136 ملرد تەڭگە قاراستىرىلدى, دەپ حابارلايدى Dalanews.kz.
ەڭبەك جەنە حالىقتى ەلەۋمەتتٸك قورعاۋ مينيسترلٸگٸ باسپاسٶز قىزمەتٸنٸڭ مەلٸمەتٸنشە, 2024 جىلعى 1 قاراشاداعى جاعداي بويىنشا ەلٸمٸزدەگٸ زەينەتكەرلەر سانى 2 ملن 421 مىڭ ادامدى قۇرايدى.
2024 جىلعى 1 قاراشاداعى جاعداي بويىنشا, جيىنتىق زەينەتاقىنىڭ ورتاشا مٶلشەرٸ - 131 730 تەڭگە, ونىڭ ٸشٸندە:
- ىنتىماقتى زەينەتاقى مٶلشەرٸ – 89 122 تەڭگە,
- بازالىق زەينەتاقى – 42 608 تەڭگە.
2018 جىلعى 1 شٸلدەدەن باستاپ مەملەكەتتٸك بازالىق زەينەتاقى تٶلەمٸ زەينەتاقى جٷيەسٸندەگٸ ٶتٸلٸن ەسكەرە وتىرىپ, ەر الۋشىعا جەكە تاعايىندالا باستاعانى دا ناقتىلانادى.
بۇل رەتتە 1998 جىلعى 1 قاڭتارداعى جاعداي بويىنشا ىنتىماقتى جٷيەدە جۇمىس ٸستەگەن ۋاقىتى, سونداي-اق مٸندەتتٸ زەينەتاقى جارنالارى (بۇدان ەرٸ – مزج) تٶلەنگەن كەزەڭدەر زەينەتاقى جٷيەسٸندەگٸ ەڭبەك ٶتٸلٸنە قوسىلادى.
"ەگەر ازاماتتىڭ زەينەتاقى جٷيەسٸندەگٸ ٶتٸلٸ 10 جىل نەمەسە ودان از بولسا, سونداي-اق مٷلدە جوق بولسا, بازالىق زەينەتاقى ەڭ تٶمەنگٸ كٷنكٶرٸس دەڭگەيٸنٸڭ 65%-نا تەڭ بولسا, سودان كەيٸن 10 جىلدان اسقان ەر جىل ٷشٸن ونىڭ مٶلشەرٸ 2 %-عا ارتادى. ال ەگەر سٸزدٸڭ ٶتٸلٸڭٸز 20 جىل بولسا, بازالىق زەينەتاقى تٶمەنگٸ كٷنكٶرٸس دەڭگەيٸنٸڭ 85 %-ىن قۇرايدى. ەڭبەك ٶتٸلٸ 30 جىل نەمەسە ودان كٶپ بولسا, كٷنكٶرٸس دەڭگەيٸنٸڭ ەڭ جوعارعى مٶلشەرٸندە ياعني 105% بەلگٸلەنەدٸ", دەلٸنگەن حابارلامادا.
ەگەر بٸر اي ٸشٸندە مٸندەتتٸ زەينەتاقى جارنالارى بٸرىڭعاي جيناقتاۋشى زەينەتاقى قورىنا بٸرنەشە رەت اۋدارىلسا, جيناقتاۋشى جٷيەگە قاتىسۋ مەرزٸمٸ بٸر ايدى قۇرايدى.
وسىلايشا مٸندەتتٸ زەينەتاقى جارنالارى نەعۇرلىم تۇراقتى جەنە تولىق كٶلەمدە اۋدارىلاتىن بولسا, زەينەت جاسىنا جەتكەندە بازالىق زەينەتاقى تٶلەمدەرٸنٸڭ مٶلشەرٸ سوعۇرلىم كٶپ بولادى.
ٶز كەزەگٸندە ازاماتتىڭ جاسىنا بايلانىستى زەينەتاقى تٶلەمدەرٸنٸڭ مٶلشەرٸ 1998 جىلعى 1 قاڭتارداعى جۇمىس ٶتٸلٸنە (كەم دەگەندە 6 اي قاجەت) جەنە زەينەتكەرلٸككە دەيٸنگٸ كەزەڭدەگٸ ورتاشا ايلىق تابىسىنا بايلانىستى بولادى.
بۇعان دەيٸن بٸز قازاقستان ازاماتتارىنىڭ بجزق-داعى جيناعىنىڭ 2024 جىلعى توعىز ايداعى تابىسى 2,09 ترلن تەڭگەنٸ قۇراعانىن جازعانبىز.
