71 ميلليارد تەڭگە ينۆەستيتسييا ەزٸربايجان بانكٸنە 2014 جىلى سالىنعان. بۇل كەزدە ۇلتتىق بانكتٸ قايرات كەلٸمبەتوۆ باسقارعانى بەلگٸلٸ. سوندىقتان زەينەتاقى قورىنىڭ قىرۋار قارجىسىن ينۆەستيتسييالاۋ سول كەزدەگٸ باسشىلاردىڭ شەشٸمٸمەن جاسالعانىن دانييار اقىشەۆ العا تارتتى.
ەزٸربايجان بانكٸنٸڭ قارجىلىق احۋالى 2015 جىلدىڭ باسىندا تٶمەندەي باستاعان. بٸراق وسىنى بٸلە تۇرا سول كەزدەگٸ باسشىلار اقشانى قايتارۋعا ەشقانداي قارەكەت قىلماپتى. سوندىقتان بۇرىنعى باسشىنىڭ قانداي قاتەلٸك جٸبەرگەنٸن ەندٸ قۇزىرلى ورىندار انىقتايدى دەيدٸ باس بانكير.
– ەزٸربايجان بانكٸنەن وبليگاتسييالار ساتىپ الىنعانى تۋرالى ەلباسىعا ايتىلدى. زەينەتاقى قورىنىڭ قارجىسىنا اتالعان بانكتەن قۇندى قاعازدار ساتىپ الۋعا قاتىستى بٸراز مەسەلە بار. سوندىقتان ۇلتتىق بانك ٸشكٸ تەكسەرٸس جٷرگٸزگەننەن كەيٸن زەينەتاقى قورىنىڭ قارجىسىن ينۆەستيتسييالاۋ تۋرالى قۇجاتتاردى قۇزىرلى ورگاندارعا ٶتكٸزەدٸ, – قر ۇلتتىق بانكٸنٸڭ تٶراعاسى دانييار اقىشەۆ.
ال وسى ۇلتتىق بانكتٸڭ بۇرىنعى باسشىلارىنىڭ جازاعا تارتىلۋ-تارتىلماۋى ەزٸرگە بەلگٸسٸز. بٸر انىعى بانكروت بولعان ەزٸربايجان بانكٸندەگٸ مول قارجى بٷگٸن-ەرتەڭ قايتارىلمايدى. ٶيتكەنٸ بانكروت بولعان قارجى ۇيىمى قارىزدى ٶتەۋدٸڭ ۇزاق مەرزٸمدٸ ٷش جولىن ۇسىنىپ وتىر. قاي-قايسىسىن تاڭداساق تا, سالىمشىلاردىڭ تٸرنەكتەپ جيعان اقشاسى كٶك تيىن پايداسىز كەمٸ 7 جىلدان كەيٸن ەلگە قايتارىلۋى مٷمكٸن.
– ۇلتتىق بانك سالىمشىلاردىڭ اقشاسىن قايتارىپ الۋ ماقساتىندا ەزٸربايجان بانكٸمەن كەلٸسسٶزدەر جٷرگٸزٸپ جاتىر. الايدا ولاردىڭ بٸزگە ۇسىنىپ وتىرعان ۇش نۇسقاسى دا تيٸمسٸز. ٶيتكەنٸ ينۆەستيتسييالانعان قارجىنىڭ ٷستٸنەن تٷسەتٸن پايدا جوعالادى. سوعان قاراماستان بٸز ٷكٸمەتپەن بٸرلەسە وتىرىپ ٶزٸمٸزگە ەڭ تيٸمدٸ جولدى تاڭداپ الامىز, – دانييار اقىشەۆ.
باس بانكير بٷگٸن ەلٸمٸزدٸڭ بانك جٷيەسٸندەگٸ ٶزگەرٸستەردٸ دە ايتتى. الداعى ۋاقىتتا «حالىق بانكٸ» مەن «قازكوممەرتسبانك» بٸرٸگەتٸنٸ تۋرالى بۇرىننان ايتىلىپ كەلگەن-دٸ. سونداي-اق, «تسەسنا بانك» «تسەنتر كرەديت بانكٸن» ساتىپ الۋدى كٶزدەپ وتىر ەكەن. «تەنگري بانكٸ» مەن «كاپيتال» بانكٸ دە بٸرٸگۋ تۋرالى ۇلتتىق بانككە ۇسىنىس جاساعان. بۇدان بٶلەك «ربك» مەن «قازاق بانكٸ» قارجىلارىن بٸر جەردە ۇستاۋعا ۋاعدالاسىپتى. ال ليتسەنزيياسىنان ايىرىلعان «قازينۆەستبانكتٸڭ» اكتيۆتەرٸن ەندٸ «الفا بانكتٸڭ» باسقاراتىنى مەلٸم بولدى. ەكٸنشٸ مەرتە ەسكەرتۋ العان «دەلتا بانكتٸڭ» ەندٸ ولقىلىقتاردى تٷزەۋگە 15-شٸ ماۋسىمعا دەيٸن ۋاقىتى بار. ەگەر مٸندەتتەمەلەرٸن ورىنداي الماسا «قازينۆەستتٸڭ» كٷيٸن كەشٸپ, جابىلۋى مٷمكٸن.
دياس نۇراقىن
