قازاقستاندا جەتٸم بالالار مەن اتا-اناسىنىڭ قامقورلىعىنسىز قالعان بالالارعا تۇرعىن ٷي الۋ تەرتٸبٸنە ٶزگەرٸس ەنگٸزٸلدٸ. ەندٸ ولاردى تۇرعىن ٷي كەزەگٸنە قويۋ ٷشٸن رەسپۋبليكالىق ماڭىزى بار قالالار مەن ەلوردادا ٷش جىلدىق تٸركەۋدٸڭ بولۋى تالاپ ەتٸلمەيدٸ. بۇل تۋرالى پرەمەر-مينيستر ولجاس بەكتەنوۆ سەناتور اندرەي لۋكيننٸڭ ساۋالىنا بەرگەن جاۋابىندا مەلٸمدەدٸ, دەپ حابارلايدى dalanews.kz.
ٷش جىلدىق تٸركەۋ تالابى جويىلدى
پرەمەر-مينيستردٸڭ ايتۋىنشا, جەتٸم بالالار كوممۋنالدىق تۇرعىن ٷي قورىنان نەمەسە جەرگٸلٸكتٸ اتقارۋشى ورگاندار جالعا العان جەكە تۇرعىن ٷي قورىنان باسپانا الۋعا باسىم قۇقىققا يە.
سونىمەن قاتار جاڭا ٶزگەرٸستەرگە سەيكەس, جەتٸم بالالار ٷشٸن رەسپۋبليكالىق ماڭىزى بار قالالار مەن استانادا ٷش جىلدىق تٸركەۋ تالابى الىپ تاستالدى. بۇدان بٶلەك, بٸر وبلىس اۋماعىندا تۇرعىلىقتى جەرٸن اۋىستىرعان جاعدايدا ولاردىڭ تۇرعىن ٷي كەزەگٸنە تۇرعان باستاپقى كٷنٸ ساقتالادى. سونداي-اق تۇرعىن ٷي العانعا دەيٸن ولاردى مۇقتاجدار تٸزٸمٸنەن شىعارۋعا جول بەرٸلمەيدٸ.
مەملەكەتتٸك قولداۋ قانداي باعىتتاردى قامتيدى?
ٷكٸمەت باسشىسى جەتٸم بالالاردىڭ تۇرعىن ٷي جاعدايىن جاقسارتۋعا ارنالعان بٸرنەشە مەملەكەتتٸك قولداۋ تەتٸگٸ بار ەكەنٸن ايتتى.
ولاردىڭ قاتارىندا:
– كوممۋنالدىق تۇرعىن ٷي قورىنان باسپانا بەرۋ;
– جەرگٸلٸكتٸ ەكٸمدٸكتەر جالعا العان تۇرعىن ٷيمەن قامتاماسىز ەتۋ;
– جەكە تۇرعىن ٷي قورىنداعى جالداۋ اقىسىنىڭ 50 پايىزىن سۋبسيدييالاۋ;
– «وتباسى بانك» ارقىلى 2 جەنە 5 پايىزدىق جەڭٸلدەتٸلگەن يپوتەكالىق نەسيەلەر بەرۋ;
– «ناۋرىز» باعدارلاماسى اياسىندا 7 پايىزدىق يپوتەكا رەسٸمدەۋ;
– 1,5 ملن تەڭگە كٶلەمٸندە تۇرعىن ٷي سەرتيفيكاتتارىن بەرۋ بار.
2025–2026 جىلدارى قانداي قولداۋ كٶرسەتٸلدٸ?
ٷكٸمەت مەلٸمەتٸنشە, 2025 جىلى جەتٸم بالالارعا بارلىعى 447 تۇرعىن ٷي نەسيەسٸ بەرٸلگەن.
ونىڭ ٸشٸندە:
– 2 پايىزدىق مٶلشەرلەمەمەن – 259 نەسيە;
– 5 پايىزدىق مٶلشەرلەمەمەن – 188 نەسيە;
– 109 جەتٸم بالاعا جالداۋ اقىسىن سۋبسيدييالاۋ ۇسىنىلعان.
ال 2026 جىلدىڭ بٸرٸنشٸ توقسانىندا 36 تۇرعىن ٷي سەرتيفيكاتى بەرٸلگەن.
«مەيٸرٸم» اكتسيياسى ارقىلى قانداي كٶمەك كٶرسەتٸلەدٸ?
پرەمەر-مينيستردٸڭ ايتۋىنشا, مەملەكەت باسشىسىنىڭ تاپسىرماسىمەن «مەيٸرٸم» قايىرىمدىلىق اكتسيياسى ٸسكە اسىرىلىپ جاتىر. ونىڭ اياسىندا ەربٸر جەتٸم بالاعا قامقور ۇيىم بەكٸتٸلەدٸ. بۇل ۇيىمدار ماماندىق تاڭداۋعا, جۇمىسقا ورنالاسۋعا جەنە باسپانامەن قامتىلۋعا كٶمەك كٶرسەتەدٸ. 2026 جىلعى 1 قاڭتارداعى جاعداي بويىنشا 2779 جەتٸم بالا بيزنەس سۋبەكتٸلەرٸنە, ەكٸنشٸ دەڭگەيلٸ بانكتەرگە جەنە مەملەكەتتٸك ەرٸ جەكە ۇيىمدارعا بەكٸتٸلگەن. وسى ۇيىمدار «وتباسى بانكٸندە» اشىلعان شوتتارعا 835,5 ملن تەڭگەدەن استام قاراجات اۋدارعان.
تۇرعىن ٷي كەزەگٸ قالاي باقىلانادى?
پرەمەردٸڭ سٶزٸنشە, تۇرعىن ٷيگە مۇقتاج ازاماتتاردى ەسەپكە الۋ, كەزەككە قويۋ جەنە باسپانا بٶلۋ تولىق ەلەكتروندى فورماتقا كٶشٸرٸلگەن. بۇل پروتسەستەر «تۇرعىن ٷيمەن قامتاماسىز ەتۋ ورتالىعى» بٸرىڭعاي رەسپۋبليكالىق ەلەكتروندى بازاسى ارقىلى جٷرگٸزٸلەدٸ. ونىڭ وپەراتورى – «وتباسى بانك». جٷيە eGov, حالىق جەنە جىلجىمايتىن مٷلٸك بازالارى, بٸلٸم بەرۋ دەرەكقورلارى, احات جٷيەلەرٸ جەنە بٸرنەشە مينيسترلٸكتٸڭ اقپاراتتىق پلاتفورمالارىمەن بٸرٸكتٸرٸلگەن.
ٷكٸمەتتٸڭ مەلٸمەتٸنشە, اۆتوماتتاندىرۋ ادام فاكتورىن ازايتىپ, تۇرعىن ٷي بٶلۋ پروتسەسٸنٸڭ اشىقتىعىن ارتتىرعان.
جاۋاپكەرشٸلٸك كٷشەيتٸلەدٸ
ٷكٸمەت باسشىسى تۇرعىن ٷي زاڭناماسىن بۇزعاندار تەرتٸپتٸك, ەكٸمشٸلٸك جەنە قىلمىستىق جاۋاپكەرشٸلٸككە تارتىلۋى مٷمكٸن ەكەنٸن اتاپ ٶتتٸ. سونىمەن قاتار, تۇرعىن ٷي كەزەگٸندە تۇرعان ازاماتتاردىڭ تٸزٸمٸ اي سايىن «وتباسى بانكتٸڭ» ينتەرنەت-رەسۋرسىندا جارييالانىپ وتىرادى.
«بۇل باعىتتاعى جۇمىستار جالعاسىپ جاتىر جەنە ٷكٸمەت باقىلاۋىندا», – دەدٸ ولجاس بەكتەنوۆ.
