ۋكراينا ارميياسى ارنايى درونداردىڭ كٶمەگٸمەن رەسەيدٸڭ بٸرقاتار ەسكەري اەرودرومدارىن نىساناعا الىپ, ٸرٸ وپەراتسييا ٶتكٸزدٸ. پرەزيدەنت ۆلاديمير زەلەنسكيي بۇل شارانى “ٶرمەك” (پاۋتينا) دەپ اتاپ, ونى رەسەيدٸڭ ۋكرايناعا باسىپ كٸرۋٸنەن بەرٸ ورىندالعان ەڭ باتىل ەرٸ اۋقىمدى ەسكەري ەرەكەت دەپ مەلٸمدەدٸ, دەپ حابارلايدى Dalanews.kz.
“بۇل – ۋكراينانىڭ ٶز كٷشٸمەن عانا اتقارعان ستراتەگييالىق وپەراتسيياسى. ونى جوسپارلاپ, ٸسكە اسىرۋ ٷشٸن بٸر جارىم جىلدان استام ۋاقىت جۇمسالدى. شارانى ۇيىمداستىرعان ادامدارىمىزدى رەسەي اۋماعىنان دەر كەزٸندە ەرٸ ەش قيىندىقسىز الىپ شىقتىق. بۇل وپەراتسييا ۋكراينانىڭ ۇلتتىق قاۋٸپسٸزدٸگٸ ٷشٸن ٶتە ماڭىزدى قادام بولدى”, – دەپ اتاپ ٶتتٸ زەلەنسكيي.
ۋكراينا قاۋٸپسٸزدٸك قىزمەتٸنٸڭ حابارلاۋىنشا, شابۋىلدىڭ نەتيجەسٸندە رەسەيدٸڭ 40-تان استام ەسكەري ۇشاعى بٷلٸنگەن. ولاردىڭ ٸشٸندە ستراتەگييالىق اۆياتسييانىڭ ماڭىزدى ەلەمەنتتەرٸ سانالاتىن ا-50, تۋ-95 جەنە تۋ-22م3 ۇشاقتارى بار.
جالپى وپەراتسييا بارىسىندا ۋكراينا جاعى 117 درون پايدالانعان. زەلەنسكييدٸڭ ايتۋىنشا, بۇل شابۋىلدىڭ نەتيجەسٸندە رەسەيدٸڭ قۇرلىقارالىق قاناتتى زىمىرانداردى تاسىمالدايتىن ستراتەگييالىق اۆياتسيياسىنىڭ شامامەن ٷشتەن بٸرٸ (34%) زاقىمداندى. الدىن الا بولجام بويىنشا, كەلتٸرٸلگەن ماتەريالدىق شىعىن 2 ميلليارد دوللاردان اسادى.
رەسەيدٸڭ قورعانىس مينيسترلٸگٸ بۇل شابۋىلداردىڭ ورىن العانىن مويىنداپ وتىر. مينيسترلٸك حابارلاماسىندا “بٸرنەشە اۆياتسييالىق تەحنيكا جانىپ كەتكەنٸ” ايتىلدى. سونداي-اق, بۇل ەرەكەتتەردٸ “كيەۆ رەجيمٸ ۇيىمداستىرعان تەررورلىق اكتٸلەر” دەپ باعالادى.
رەسمي اقپارات بويىنشا, دروندارمەن جاسالعان شابۋىل رەسەيدٸڭ بەس ايماعىندا ورنالاسقان ەسكەري اەرودرومداردى قامتىعان:
مۋرمانسك,
يركۋتسك,
يۆانوۆو,
ريازان,
امۋر وبلىسى.
قازٸرگٸ ۋاقىتتا رەسەي, ۋكراينا جەنە اقش اراسىندا سوعىستى توقتاتۋ بويىنشا كەلٸسسٶزدەر جالعاسىپ جاتىر. اقش تاراپى ەگەر مەسكەۋ ۇرىس ەرەكەتتەرٸن توقتاتۋعا ناقتى نيەت بٸلدٸرمەسە, كەلٸسسٶزدەردەن شىعاتىنىن ەسكەرتكەن. ٶز كەزەگٸندە رەسەي پرەزيدەنتٸ ۆلاديمير پۋتين ناتو-نىڭ شىعىسقا قاراي ودان ەرٸ كەڭەيمەيتٸنٸ جٶنٸندە باتىس ەلدەرٸنەن رەسمي ەرٸ جازباشا كەپٸلدٸك تالاپ ەتۋدە.
