جاقىن كۇندەرى كحدر اسكەري كۇشتەرى ۋكرايناعا قارسى سوعىسقا قاتىسادى. بۇل تۋرالى 25 قازاندا ۋكراينا پرەزيدەنتى ۆلاديمير زەلەنسكيي Telegram ارناسىندا جازدى، - دەپ حابارلايدى Dalanews.kz "ۋكراينسكايا پراۆدا" باسىلىمىنا سىلتەپ.
"ۋكراينالىق بارلاۋ قىزمەتىنىڭ مالىمەتىنشە، 27-28 قازاندا رەسەي العاش رەت سولتۇستىك كورەيا اسكەري كۇشتەرىن سوعىس ايماقتارىندا قولدانادى"، - دەپ جازدى زەلەنسكيي.
ماسكەۋدىڭ وسى قادامىنا بايلانىستى ۋكراينا پرەزيدەنتى باتىس وداقتاستارىن ماسكەۋ مەن پحەنيان ۇكىمەتتەرىنە قىسىم كورسەتۋگە شاقىردى.
ايتا كەتەيىك، 18 قازاندا وڭتۇستىك كورەيا بارلاۋ قىزمەتى پحەنياننىڭ رەسەيگە جالپى سانى 12 مىڭ ساربازدان تۇراتىن ءتورت بريگادانى، سونىڭ ىشىندە ارنايى كۇشتەر وتريادتارىن جىبەرۋ تۋرالى شەشىمىن حابارلادى. بىرنەشە كۇننەن كەيىن زەلەنسكيي سولتۇستىك كورەيا سوعىسقا ناقتى قوسىلعانىن مالىمدەدى.
23 قازاندا اقش قورعانىس ءمينيسترى للويد وستين پەنتاگوندا سولتۇستىك كورەيا اسكەرىنىڭ رەسەيدە ەكەنى تۋرالى دالەلدەر بارىن ايتتى. ولار پريمورسك ولكەسىندە جانە كۋرسك وبلىسىندا بايقالعانى حابارلاندى.
ال پحەنيان ۋكرايناعا قارسى سوعىسقا قاتىسۋ ءۇشىن اسكەرىن رەسەيگە جىبەرەتىنى تۋرالى حابارلامالاردى رەسمي تۇردە جوققا شىعاردى، مۇنداي اقپاراتتى "نەگىزسىز قاۋەسەت" دەپ اتادى.
