قازاقستاننىڭ بٸرقاتار ٶڭٸرٸندە قانت قىمباتتاپ كەتتٸ. مينيسترلٸك بۇل مەسەلە ٶنٸم تاپشى بولعانىنان ەمەس, ماۋسىمدىق سۇرانىس ارتۋىنان دەپ وتىر. بۇل تۋرالى ٷكٸمەتتە ٶتكەن بريفينگتە اۋىل شارۋاشىلىعى ۆيتسە-مينيسترٸ ازات سۇلتانوۆ مەلٸمدەدٸ, دەپ حابارلايدى dalanews.kz.
جاز كەلگەندە قانت باعاسى نەگە شارىقتاپ كەتەدٸ?
شەنەۋنٸكتٸڭ ايتۋىنشا, جاز مەزگٸلٸندە حالىق توساپ, كومپوت جەنە باسقا دا قىسقى ازىق-تٷلٸك قورىن دايىندايتىندىقتان, قانتقا سۇرانىس ارتادى. سونىڭ ەسەرٸنەن كەيبٸر ٶڭٸرلەردە باعا دا ٶسٸپ وتىر.
ۆيتسە-مينيستردٸڭ سٶزٸنشە, ەزٸرگە قانت ايتارلىقتاي قىمباتتامايدى. بيىل قانت قىزىلشاسىنىڭ مول ٶنٸمٸ بولجانىپ وتىر. قازٸر ەلدە وتاندىق شيكٸزاتتى ٶڭدەيتٸن ٷش قانت زاۋىتى جۇمىس ٸستەپ تۇر. سونىمەن قاتار, تاراز قانت زاۋىتىندا دا قانت قىزىلشاسىن ٶڭدەۋ ٸسكە قوسىلادى دەپ جوسپارلانعان.
سونداي-اق, ۆيتسە-مينيستر ٶڭٸرلەردە باعا ٶزگەرۋٸنە كٶتەرمە جەتكٸزۋشٸلەردٸڭ جۇمىسى, يمپورت كٶلەمٸ, سۋسىن مەن كونديتەرلٸك ٶنٸم ٶندٸرۋشٸلەر تاراپىنان سۇرانىس ارتۋى دا ەسەر ەتۋٸ مٷمكٸن ەكەنٸن جەتكٸزدٸ.
"رەسەيدەن, لاتىن امەريكاسى ەلدەرٸنەن جەتكٸزٸپ وتىرمىز": ەلدەگٸ قانت قورى قانشا ۋاقىتقا جەتەدٸ?
ازات سۇلتانوۆ قازاقستاندا قانتتىڭ بٸر بٶلٸگٸ لاتىن امەريكاسى ەلدەرٸنەن ەكەلٸنەتٸن قانت شيكٸزاتىنان ٶندٸرٸلەتٸنٸن, ال دايىن قانتتىڭ ەدەۋٸر كٶلەمٸ ەلٸ دە رەسەيدەن يمپورتتالاتىنىن ايتتى.
ونىڭ مەلٸمەتٸنشە, ەكٸمدٸكتەردٸڭ قويمالارىنداعى قانت قورى جەتكٸلٸكتٸ. باعا قۇبىلعان جاعدايدا بۇل قور ساتىلىمعا شىعارىلىپ, باعا ٶسۋٸن تەجەۋگە مٷمكٸندٸك بەرەدٸ.
قازٸر ەلدە شامامەن ٷش ايعا جەتەتٸن قانت قورى بار.
كەيٸنگٸ جىلدارى, بيىل باعا قالاي قۇبىلدى: ستاتيستيكا نە دەيدٸ?
ايتا كەتەيٸك, كەيٸنگٸ 3-4 جىل قاتارىنان قازاقستاندا قانت تاپشىلىعى, قىمباتشىلىق بايقالىپ وتىر. 2022 جىلى جازدا قازاقستاندا قانت تاپشىلىعى تۋىنداپ, باعا كٷرت كٶتەرٸلگەن ەدٸ. كەيٸن ٷكٸمەت يمپورتقا تەۋەلدٸلٸكتٸ ازايتىپ, وتاندىق قانت قىزىلشاسىن ٶڭدەۋ كٶلەمٸن ۇلعايتۋ باعىتىندا بٸرقاتار شارا قابىلدادى.
- 2022 جىلدىڭ قورىتىندىسى بويىنشا قازاقستاندا قانتتىڭ بٶلشەك ساۋداداعى باعاسى 2021 جىلعى جەلتوقسانمەن سالىستىرعاندا 64,9 پايىزعا ٶسكەن. بۇل جىلى باعانىڭ ەڭ جوعارى ٶسٸمٸ جازدا تٸركەلگەن. كەيبٸر ايلاردا قانت قۇنى ٶتكەن جىلمەن سالىستىرعاندا 87 پايىزعا دەيٸن قىمباتتاعان.
- 2023 جىلى قازاقستاندا قانت باعاسى جىل بويى تٷرلٸ باعىتتا ٶزگەردٸ. جىل باسىندا تازارتىلعان قانتتىڭ جىلدىق ٶسٸمٸ 32,2 پايىزعا, ال قۇمشەكەردٸڭ ٶسٸمٸ 55 پايىزعا جەتتٸ. الايدا جىل سوڭىنا قاراي باعا تۇراقتالدى.
- 2024 جىلى قانت باعاسىنىڭ جىلدىق ٶسٸمٸ شامامەن 5,5 پايىز بولدى.
Data Hub ارناسى مەلٸمەتٸنشە, بيىل 24 ماۋسىم مەن 1 شٸلدە ارالىعىندا قازاقستاندا قانتتىڭ ورتاشا باعاسى 1,6 پايىزعا ٶسكەن. بۇل - 2022 جىلعى ماۋسىمنان بەرگٸ ەڭ جوعارى اپتالىق ٶسٸم.
جىل باسىنان بەرٸ قانت باعاسى بٸرنەشە رەت كٶتەرٸلگەنٸمەن, بۇعان دەيٸن اپتالىق ٶسٸم كٶبٸنە 0,2 پايىزدان اسپاعان.
ٶڭٸرلەردەگٸ احۋال قالاي?
ٶڭٸرلەر اراسىندا قانت باعاسى بويىنشا جوعارى ٶسٸم پاۆلوداردا تٸركەلٸپ, بٸر اپتادا 12,5 پايىزعا قىمباتتاعان. ودان كەيٸن سەمەيدە 5,5 پايىز, كٶكشەتاۋدا 4,8 پايىز, اتىراۋدا 3,1 پايىز, تٷركٸستاندا 2,9 پايىز, پەتروپاۆلدا 2,2 پايىز جەنە ورالدا 1,7 پايىز ٶسٸم تٸركەلگەن.
قاراعاندىدا قانت باعاسى ەلدەگٸ ورتاشا كٶرسەتكٸشپەن بٸردەي: 1,6 پايىزعا ٶستٸ. استانادا ٶسٸم 1,3 پايىز بولدى. ال الماتى سەگٸز ٶڭٸردٸڭ قاتارىندا قالىپ, مۇندا بٸر اپتا ٸشٸندە قانت باعاسى ٶزگەرمەگەن.
