شىعىس قازاقستان وبلىسى، زايسان اۋدانىنا قاراستى كەڭساي اۋىلىندا التى وتباسىعا جاڭا تۇرعىن ءۇي كىلتتەرى تابىستالدى،- دەپ حابارلايدى Dalanews.kz
جەڭىستىڭ 80 جىلدىعى قارساڭىندا كەڭساي اۋىلدىق وكرۋگىندە كوپبالالى جانە الەۋمەتتىك وسال ساناتتاعى التى وتباسى باسپانالى بولدى.
قونىس تويىنا اۋدان اكىمىنىڭ ورىنباسارى نۇرعايني قابيدولدينا مەن ىشكى ساياسات ءبولىمىنىڭ باسشىسى زۋمراد دۇيسەنبايەۆا ارنايى قاتىسىپ، اۋدان اكىمى اتىنان قۇتتىقتادى.
- بۇل باسپانالار - مەملەكەت تاراپىنان كورسەتىلىپ جاتقان الەۋمەتتىك قولداۋدىڭ ناقتى ناتيجەسى، - دەدى اۋدان اكىمدىگىنىڭ وكىلدەرى.
ايتا كەتۋ كەرەك، وتكەن جىلى كوپبالالى وتباسىلارعا 232 پاتەر، ال الەۋمەتتىك وسال توپتارعا 518 پاتەر پايدالانۋعا بەرىلگەن.
بيىل جوسپار بويىنشا 180 پاتەر سالۋ جانە ساتىپ الۋ جوسپارلانعان.
