Anthropic كومپانيياسىنىڭ باس ديرەكتورى ەرٸ نەگٸزٸن قالاۋشىلاردىڭ بٸرٸ داريو امودەي جاساندى ينتەللەكت مٷمكٸندٸكتەرٸنٸڭ جىلدام ارتۋىنا بايلانىستى قاۋٸپسٸزدٸك شارالارىن كٷشەيتۋگە شاقىردى. ونىڭ پٸكٸرٸنشە, ادامزات جاڭا تەحنولوگييالاردى باقىلاۋعا دايىن بولعانشا جي جٷيەلەرٸن دامىتۋ قارقىنىن بەسەڭدەتۋ قاجەت, دەپ حابارلايدى dalanews.kz.
Claude جاساندى ينتەللەكت جٷيەسٸن ەزٸرلەگەن كومپانييا باسشىسى ٶزٸنٸڭ جاڭا ەسسەسٸندە جي-دٸڭ مەديتسينا, عىلىم جەنە ەكونوميكا سالالارىنا وراسان پايدا ەكەلەتٸنٸن اتاپ ٶتتٸ. سونىمەن قاتار تەحنولوگييانىڭ باقىلاۋسىز دامۋى كٷردەلٸ قاۋٸپتەرگە ۇلاسۋى مٷمكٸن ەكەنٸن ەسكەرتتٸ.
"جاساندى ينتەللەكتٸنٸڭ ادامزاتقا بەرەر مٷمكٸندٸگٸ ٶتە زور. الايدا مودەلدەردٸڭ دامۋ قارقىنى قاۋٸپسٸزدٸك شارالارىنان وزىپ كەتپەۋگە تيٸس", – دەدٸ داريو امودەي.
ونىڭ ايتۋىنشا, 2026 جىلدىڭ جازىنان بەرٸ جي مودەلدەرٸ كەيٸنگٸ بۋىنداعى جٷيەلەردٸ جاساۋعا بەلسەندٸ تٷردە تارتىلا باستاعان. سونىڭ سالدارىنان جاساندى ينتەللەكت ٶزٸنەن دە قۋاتتى مودەلدەردٸ ەزٸرلەۋگە قاتىساتىن رەكۋرسيۆتٸ ٶزٸن-ٶزٸ جەتٸلدٸرۋ ٷدەرٸسٸ قالىپتاسۋى مٷمكٸن.
امودەي مۇنداي جاعدايدا تەحنولوگييانىڭ دامۋ جىلدامدىعى ادامداردىڭ جاڭا جٷيەلەردٸ تٷسٸنۋ جەنە باقىلاۋ مٷمكٸندٸگٸنەن اسىپ كەتەدٸ دەپ قاۋٸپتەنەدٸ.
"جاساندى ينتەللەكتٸنٸ جاساندى ينتەللەكتٸنٸڭ ٶزٸ جەتٸلدٸرە باستاعان كەزدە ٷدەرٸس ٶتە جىلدام جٷرۋٸ مٷمكٸن. ونىڭ قارقىنى ادامداردىڭ جاڭا جٷيەلەردٸ تٷسٸنٸپ, باقىلاۋعا الۋ مٷمكٸندٸگٸنەن اسىپ كەتۋ قاۋپٸ بار", – دەپ تٷسٸندٸردٸ ول.
Anthropic باسشىسى الاڭداۋعا نەگٸز بولاتىن مىسال رەتٸندە OpenAI–Hugging Face زەرتتەۋٸندەگٸ جاعدايدى اتادى. ونىڭ سيپاتتاۋىنشا, تەجٸريبە بارىسىندا بٸر توپ جي-اگەنت باستاپقى تاپسىرمادا كٶرسەتٸلمەگەن نىساندارعا كيبەرشابۋىل جاساپ, ٶز جۇمىسىن باعالاۋعا ارنالعان تەتٸكتٸ بۇزۋعا ەرەكەتتەنگەن. بۇل جولى ايتارلىقتاي شىعىن كەلمەگەن.
الايدا امودەيدٸڭ بولجامىنشا, الداعى 6–12 ايدا مٷمكٸندٸگٸ جوعارىلاعان جٷيە وسىنداي ەرەكەت جاساسا, ونىڭ سالدارى ەلدەقايدا اۋىر بولۋى ىقتيمال.
"الداعى 6–12 ايدا مٸنەز-قۇلقىندا وسىنداي اقاۋى بار قۋاتتى جٷيە تۇراقتى بوتنەت قۇرىپ, ينتەرنەت ينفراقۇرىلىمىنىڭ ەدەۋٸر بٶلٸگٸنە شابۋىل جاساۋى مٷمكٸن. مۇنداي جاعدايدا ىقتيمال شىعىن جٷزدەگەن ميلليارد دوللارعا جەتۋٸ ىقتيمال", – دەپ ەسكەرتتٸ كومپانييا باسشىسى.
داريو امودەي جاساندى ينتەللەكتٸنٸ قاۋٸپسٸز دامىتۋعا مٷمكٸندٸك بەرەتٸن ٷش كەزەڭنەن تۇراتىن باقىلاۋ جٷيەسٸن ۇسىندى.
بٸرٸنشٸ كەزەڭدە جەتەكشٸ جي-كومپانييالاردىڭ ٸشٸندە تەۋەلسٸز سىرتقى ساراپشىلار تۇراقتى جۇمىس ٸستەۋگە تيٸس. ولار مودەلدەردٸ جەنە ولاردى وقىتۋ ٷدەرٸسٸن زەرتتەپ, ىقتيمال قاۋٸپتەردٸ باعالاپ, انىقتالعان وقيعالاردى تٸركەپ, قورىتىندىلارىن كٶپشٸلٸككە جارييالاۋى كەرەك.
امودەيدٸڭ مەلٸمدەۋٸنشە, Anthropic مۇنداي باقىلاۋ تەتٸگٸن ٶز ەركٸمەن ەنگٸزۋگە دايىن. كومپانييا تەۋەلسٸز ماماندارعا كەڭسەدەن جۇمىس ورنى, كورپوراتيۆتٸك قۇرىلعىلار جەنە زەرتتەۋگە قاجەتتٸ ٸشكٸ اقپارات پەن قۇرالدارعا قولجەتٸمدٸلٸك بەرۋدٸ جوسپارلاپ وتىر.
ەكٸنشٸ كەزەڭدە دەموكراتييالىق ەلدەردەگٸ ٸرٸ جي-كومپانييالار ورتاق قاۋٸپسٸزدٸك ستاندارتتارىن قابىلداۋى قاجەت. ۇسىنىس بويىنشا, مودەلدەردٸڭ مٷمكٸندٸگٸ ارتقان سايىن ولاردى ودان ەرٸ دامىتۋعا نەمەسە قولدانىسقا ەنگٸزۋگە قويىلاتىن تالاپ تا قاتاڭداي تٷسۋگە تيٸس.
"مودەل قانشالىقتى قاۋٸپتٸ مٷمكٸندٸككە يە بولسا, ونى كەلەسٸ كەزەڭگە ٶتكٸزەر الدىندا سونشالىقتى جان-جاقتى ەرٸ قاتاڭ تەكسەرۋ قاجەت", – دەپ سانايدى امودەي.
ٷشٸنشٸ كەزەڭ مەملەكەتتەر اراسىنداعى حالىقارالىق كەلٸسٸمدەردٸ قامتيدى. Anthropic باسشىسى اقش پەن قىتايدى قوسا العاندا, جەتەكشٸ ەلدەر جاساندى ينتەللەكتٸنٸ بيولوگييالىق قارۋ ەزٸرلەۋگە پايدالانۋعا تىيىم سالۋ جٶنٸندە كەلٸسۋٸ قاجەت دەپ ەسەپتەيدٸ. سونداي-اق وزىق مودەلدەردٸ كيبەرقاۋٸپتەرگە, بيولوگييالىق جەنە باسقا دا اسا ماڭىزدى تەۋەكەلدەرگە مٸندەتتٸ تٷردە سىناقتان ٶتكٸزۋ ۇسىنىلدى.
سونىمەن بٸرگە امودەي جاساندى ينتەللەكتٸنٸ دامىتۋدى تولىعىمەن توقتاتۋدى قولدامايدى. ول تەحنولوگييالىق بەسەكەدە اقش-تىڭ بٸرجاقتى ارتتا قالۋىنا دا قارسى ەكەنٸن جەتكٸزگەن. وسىعان بايلانىستى قىتايعا وزىق جي-چيپتەرٸ مەن ولاردى ٶندٸرۋگە ارنالعان جابدىقتاردى جەتكٸزۋگە قويىلعان شەكتەۋلەردٸ ساقتاۋ, ەسەپتەۋ قۋاتىنىڭ زاڭسىز تاسىمالىنا توسقاۋىل قويۋ جەنە ەڭ قۋاتتى مودەلدەردٸڭ پارامەترلەرٸن ۇرلانۋدان قورعاۋ قاجەتتٸگٸن اتاپ ٶتتٸ.
"ماقسات – جاساندى ينتەللەكتٸنٸ دامىتۋدى توقتاتۋ ەمەس. دامۋ قارقىنىن بەسەڭدەتۋ ارقىلى الىنعان ۋاقىتتى مودەلدەردٸڭ سەنٸمدٸلٸگٸن ارتتىرۋعا, ولاردى تەكسەرۋ ەدٸستەرٸن جەتٸلدٸرۋگە جەنە قاۋٸپسٸزدٸكتٸ كٷشەيتۋگە جۇمساۋىمىز كەرەك", – دەدٸ Anthropic باسشىسى.
