رەسەيگە جۇمىس ٸستەۋ ماقساتىمەن بارعان شەتەل ازاماتتارىنىڭ اراسىندا قازاقستان ازاماتتارى تٶرتٸنشٸ ورىنعا جايعاستى. 2026 جىلدىڭ العاشقى جارتىجىلدىعىندا رەسەي شەكاراسىنان ٶتٸپ, ساپار ماقساتى رەتٸندە جۇمىستى كٶرسەتكەن قازاقستاندىقتاردىڭ سانى 122 مىڭنان استى. بۇل تۋرالى تاسس اگەنتتٸگٸ تانىسقان ماتەريالداردا ايتىلعان, دەپ حابارلايدى dalanews.kz.
دەرەكتەرگە سەيكەس, 2026 جىلدىڭ العاشقى التى ايىندا رەسەيگە جۇمىس ٸستەۋ ماقساتىمەن 122 654 قازاقستان ازاماتى بارعان. وسى كٶرسەتكٸش بويىنشا قازاقستان ٶزبەكستان, تەجٸكستان جەنە قىرعىزستاننان كەيٸنگٸ تٶرتٸنشٸ ورىنعا جايعاسقان.
رەسەيگە جۇمىس ٸستەۋگە بارعاندار سانى بويىنشا ٶزبەكستان ازاماتتارى كٶش باستاپ تۇر. جارتى جىلدا بۇل ەلدەن 1 178 609 ادام رەسەيگە كٸرگەن. ەكٸنشٸ ورىندا – تەجٸكستان ازاماتتارى (494 518 ادام), ٷشٸنشٸ ورىندا – قىرعىزستان ازاماتتارى (289 061 ادام).
ال قىتاي ازاماتتارى 89 656 اداممەن بەسٸنشٸ ورىنعا جايعاسقان. سونداي-اق رەسەيگە جۇمىس ٸستەۋ ماقساتىمەن ارمەنييادان 88 629, ەزەربايجاننان 62 440, ٷندٸستاننان 27 419, تٷرٸكمەنستاننان 13 428 جەنە تٷركييادان 8 360 ادام بارعان.
قازاقستان ازاماتتارىنا رەسەيدە جۇمىس ٸستەۋ ٷشٸن پاتەنت قاجەت ەمەس
رەسەيدە شەتەل ازاماتتارىن جۇمىسقا ورنالاستىرۋ تەرتٸبٸ ولاردىڭ ازاماتتىعىنا بايلانىستى ٶزگەرەدٸ. مەسەلەن, ٶزبەكستان, تەجٸكستان جەنە ەزەربايجان ازاماتتارى رەسەيدە جۇمىس ٸستەۋ ٷشٸن تيٸستٸ ەڭبەك پاتەنتٸن الۋى كەرەك. ال قازاقستان, قىرعىزستان جەنە ارمەنييا ازاماتتارىنا مۇنداي پاتەنت تالاپ ەتٸلمەيدٸ.
قىتاي, ٷندٸستان, تٷرٸكمەنستان جەنە تٷركييا ازاماتتارى رەسەيدە جۇمىس ٸستەۋ ٷشٸن جۇمىس ۆيزاسىن الىپ, ەڭبەك ەتۋگە رۇقسات رەسٸمدەۋٸ قاجەت.
قازاقستان ازاماتتارىنا پاتەنتتٸڭ قاجەت بولماۋى ەكٸ ەلدٸڭ ەۋرازييالىق ەكونوميكالىق وداققا (ەاەو) مٷشە بولۋىمەن بايلانىستى. وداق اياسىندا قازاقستان ازاماتتارى رەسەيدە جۇمىس ٸستەۋ ٷشٸن جەكە جۇمىسقا رۇقسات نەمەسە پاتەنت الۋعا مٸندەتتٸ ەمەس.
