الماتىدا وفتالمولوگتار كٶزدەن تاس سىنىعىن الىپ تاستادى, دەپ حابارلايدى dalanews.kz.
جٸگٸت بالعامەن تاس شاعىپ جاتقان سەتتە تاس سىنىعى كٶزٸنە تيٸپ, بٸرنەشە قابىقشانى تەسٸپ ٶتكەن. قاساڭ قابىق, كٶز بۇرشاعى, نۇرلى قابىق جەنە كٶزدٸڭ تەرەڭ قۇرىلىمدارى زاقىمدانعان.
وفتالمولوگتار كٶرۋ قابٸلەتٸن ساقتاپ قالۋ ٷشٸن زاقىمدانعان قۇرىلىمداردى كەزەڭ-كەزەڭٸمەن قالپىنا كەلتٸرگەن.
"جاراقات ٶتە اۋىر بولدى, تاس سىنىعى كٶزدٸڭ ٸشٸنە تەرەڭ ەنٸپ كەتكەن. كٷردەلٸ وتا جاسادىق. قابىقشانى تٸگٸپ, جاراقاتتان پايدا بولعان كاتاراكتانى الىپ تاستادىق, كٶز بۇرشاعىن بەكٸتٸپ, نۇرلى قابىققا پلاستيكا جەنە ۆيترەكتومييا جاسادىق. وتا بارىسىندا سىنىقتى تاۋىپ, شىعاردىق, كەيٸن كٶز قۇرىلىمىن ساقتاۋ ٷشٸن سيليكون مايىن سالدىق", - دەدٸ الماتىنىڭ ورتالىق قالالىق كلينيكالىق اۋرۋحاناسىنىڭ وفتالمولوگييا بٶلٸمشەسٸنٸڭ مەڭگەرۋشٸسٸ گٷلزات ەبدٸرايىموۆا.
