قازاقستاندىق كەسٸپقوي بوكسشى, جەڭٸلٸستٸڭ اششى دەمٸن تاتپاعان جەنٸبەك ەلٸمحانۇلى WBO تۇجىرىمى بويىنشا ورتا سالماقتاعى ەلەم چەمپيونى اتاعىنان رەسمي تٷردە باس تارتتى, دەپ حابارلايدى dalanews.kz.
بۇل تۋرالى دٷنيەجٷزٸلٸك بوكس ۇيىمىنىڭ (WBO) پرەزيدەنتٸ گۋستاۆو وليۆەري مەلٸمدەدٸ.
ونىڭ ايتۋىنشا, قازاقستاندىق بوكسشى سالماق دەرەجەسٸن كٶتەرۋ تۋرالى شەشٸم قابىلداپ, ەندٸ ەكٸنشٸ ورتا سالماقتا كٷش سىناسادى.
«جەنٸبەك ەلٸمحانۇلى ماعان ٶزٸنٸڭ جوعارى سالماق دەرەجەسٸنە اۋىساتىنىن حابارلادى. بۇدان بىلاي ول ەكٸنشٸ ورتا سالماقتا ٶنەر كٶرسەتەدٸ. وسىعان بايلانىستى دەنزەل بەنتلي WBO-نىڭ تولىققاندى ەلەم چەمپيونى اتاندى», – دەدٸ وليۆەري.
وسىلايشا, WBO ۇيىمىنىڭ ورتا سالماقتاعى چەمپيوندىق بەلبەۋٸ بريتاندىق دەنزەل بەنتليگە ٶتتٸ. بۇعان دەيٸن ول ۋاقىتشا چەمپيون مەرتەبەسٸنە يە بولعان. بەنتلي بۇل تيتۋلدى 4 سەۋٸردە ۆەنەسۋەلالىق ەندري سااۆەدرانى جەتٸنشٸ راۋندتا مەرزٸمٸنەن بۇرىن جەڭۋ ارقىلى يەلەنگەن بولاتىن.
