قازاقستاندا رەسەيدەگٸ جانارمايعا قاتىستى قيىندىقتارعا قاراماستان بەنزين مەن ديزەل وتىنىنىڭ تاپشىلىعى كٷتٸلمەيدٸ, دەپ حابارلايدى dalanews.kz.
بۇل تۋرالى مەجٸلٸس كۋلۋارىندا ەنەرگەتيكا مينيسترٸ ەرلان اقكەنجەنوۆ مەلٸمدەدٸ.
ونىڭ ايتۋىنشا, قازٸرگٸ ۋاقىتتا ەلدەگٸ جانارماي قورى ٸشكٸ سۇرانىستى تولىق قامتاماسىز ەتۋگە جەتكٸلٸكتٸ.
«قازٸر بەنزين مەن ديزەل وتىنىنىڭ قورى 30 كٷننەن اسادى. ناقتى ايتساق, 36 كٷنگە جەتەدٸ. سوندىقتان بٷگٸنگٸ تاڭدا جانارماي تاپشىلىعىنا قاتىستى ەشقانداي مەسەلە جوق دەپ سەنٸمدٸ تٷردە ايتا الامىز», – دەدٸ مينيستر.
اقكەنجەنوۆ جاز مەزگٸلٸندە مۇناي ٶنٸمدەرٸن تۇتىنۋ كٶلەمٸ دەستٷرلٸ تٷردە ارتاتىنىن اتاپ ٶتتٸ. ونىڭ سٶزٸنشە, مينيسترلٸك مۇنداي كەزەڭگە الدىن الا دايىندالىپ كەلەدٸ.
«بٸز بۇعان دايىندالدىق. سوڭعى ٷش جىل بويى وسىنداي تۇتىنۋ ٶسٸمٸنە دايىندالىپ كەلەمٸز. ەسٸرەسە جازعى ماۋسىم مەن دەمالىس كەزەڭٸندە جانارمايعا سۇرانىس ارتاتىنىن جاقسى تٷسٸنەمٸز. سوندىقتان قاجەتتٸ قور الدىن الا جاسالادى», – دەدٸ ول.
مينيستر رەسەيدەگٸ جانارماي نارىعىنداعى جاعدايدان ۆەدومستۆونىڭ حاباردار ەكەنٸن ايتتى. دەگەنمەن قازاقستان شەكاراسىندا قوسىمشا شەكتەۋلەر ەنگٸزۋ نەمەسە باقىلاۋدى كٷشەيتۋ ەزٸرگە جوسپارلانىپ وتىرعان جوق.
«قازٸرگٸ تاڭدا باقىلاۋ جەتكٸلٸكتٸ دەڭگەيدە جٷرگٸزٸلۋدە. سوندىقتان سىرتقى شەكارالاردا باقىلاۋدى كٷشەيتۋ مەسەلەسٸ قارالىپ جاتقان جوق. بٸز قازاقستان رەسپۋبليكاسىنىڭ سىرتقى شەكارالارىندا باقىلاۋدى قامتاماسىز ەتۋ بويىنشا بارلىق قاجەتتٸ شارالاردى قابىلداپ جاتىرمىز», – دەدٸ ەرلان اقكەنجەنوۆ.
بۇعان دەيٸن رەسەيدٸڭ بٸرقاتار ٶڭٸرٸندە جانارماي جەتكٸزۋگە قاتىستى قيىندىقتار بايقالعانى حابارلانعان بولاتىن. وسىعان بايلانىستى قازاقستاندىقتار اراسىندا ەلدە بەنزين تاپشىلىعى بولۋى مٷمكٸن دەگەن الاڭداۋشىلىق تۋىنداعان ەدٸ.
