سەمەي قالاسىنداعى ساۋدا ورتالىقتارىنىڭ بٸرٸندە قۇقىق قورعاۋ ورگاندارى مەن اباي وبلىسى ەكٸمدٸگٸ ٶكٸلدەرٸنٸڭ قاتىسۋىمەن «زاڭ جەنە تەرتٸپ» اتتى اكتسييا ٶتتٸ,- دەپ حابارلايدى Dalanews.kz
ٸس-شارانىڭ باستى ماقساتى – حالىقتى قولجەتٸمدٸ زاڭ كٶمەگٸمەن قامتاماسىز ەتۋ, مازالاعان سۇراقتارعا تٷسٸنٸكتەمە بەرۋ. كەز كەلگەن ازامات ماماندارعا جٷگٸنٸپ, قۇقىق بۇزۋشىلىقتار مەن ەكٸمشٸلٸك رەسٸمدەردەن باستاپ ەلەۋمەتتٸك قامسىزداندىرۋ مەن تۇرعىن ٷي مەسەلەلەرٸنە دەيٸن تٷرلٸ سالالار بويىنشا كەسٸبي كەڭەس الا الدى.
قر سىبايلاس جەمقورلىققا قارسى ٸس-قيمىل اگەنتتٸگٸنٸڭ اباي وبلىسى بويىنشا دەپارتامەنتٸنٸڭ پرەۆەنتسييا باسقارماسى باسشىسىنىڭ ورىنباسارى سايات بازانوۆتىڭ ايتۋىنشا, بۇل ٸس-شارا حالىق اراسىندا ٷلكەن قىزىعۋشىلىق تۋدىردى.
- ٸس-شاراعا وبلىس ەكٸمدٸگٸنٸڭ بارلىق قۇرىلىمدىق باسقارمالارى, سونداي-اق پوليتسييا, ەدٸلەت جەنە مەملەكەتتٸك كٸرٸستەر دەپارتامەنتٸنٸڭ ٶكٸلدەرٸ قاتىسۋدا. بۇل اكتسييا – تەك حالىقتىڭ قۇقىقتىق ساۋاتتىلىعىن ارتتىرۋ ەمەس, سونىمەن قاتار مەملەكەتتٸك ورگانداردىڭ اشىق جۇمىسىن قامتاماسىز ەتۋ جولى, – دەپ اتاپ ٶتتٸ ول.
اكتسيياعا كەلگەن تۇرعىندار مەملەكەتتٸك قىزمەتتەر الۋ, قۇقىقتار مەن مٸندەتتەردٸ ساقتاۋ, قۇقىق قورعاۋ ورگاندارىمەن ٶزارا ەرەكەت ەتۋ مەحانيزمدەرٸ تۋرالى سۇراقتار قويدى. ەر تٷرلٸ مەكەمەلەردٸڭ ٶكٸلدەرٸ تولىق ەرٸ تٷسٸنٸكتٸ جاۋاپتار بەردٸ.
«تەۋەلسٸز زەرتتەۋلەر ورتالىعى» قوعامدىق بٸرلەستٸگٸنٸڭ جەتەكشٸسٸ جانار قابيدوللاقىزى ازاماتتاردان كەلٸپ تٷسكەن ٶتٸنٸشتەردٸڭ كەڭ اۋقىمىنا نازار اۋداردى:
– بٷگٸنگٸ ٸس-شارانىڭ نەگٸزگٸ ماقساتى – قۇقىقتىق كٶمەك پەن قىزمەتتەردٸ ادامدارعا جىلدام, سول جەردە, ديالوگ فورماتىندا كٶرسەتۋ. سونىمەن قاتار بۇل اكتسييا سىبايلاس جەمقورلىققا قارسى سانانى قالىپتاستىرۋ مەن نىعايتۋعا باعىتتالعان. مۇندا تٷرلٸ باسقارما مەن مەكەمەلەردٸڭ ٶكٸلدەرٸ كەلٸپ وتىر, ولار ناقتى ەرٸ جان-جاقتى جاۋاپ بەرۋگە دايىن. ازاماتتاردىڭ كٶپتەگەن سۇراقتارى قۇجات رەسٸمدەۋگە قاتىستى, – دەدٸ ول.
