قر پرەزيدەنتٸ جانىنداعى ورتالىق كوممۋنيكاتسييالار قىزمەتٸ ٸسكە قوسقان پودكاستتا كٶتەرٸلگەن مەسەلەلەردٸڭ بٸرٸ ٸٸم ٸشٸندەگٸ سىبايلاس جەمقورلىققا قارسى كٷرەس بولدى. ٸٸم باسشىسى ەرجان سەدەنوۆ جاقىندا قوستانايدا تەرتٸپ بۇزعان جٷرگٸزۋشٸ مەن پوليتسەيلەر اراسىندا بولعان وقيعاعا قاتىستى تٷسٸنٸكتەمە بەردٸ. جٷرگٸزۋشٸ ٸٸم اكادەميياسىنىڭ تىڭداۋشىسى بولىپ شىققان, - دەپ حابارلايدى Dalanews.kz.
«ەستەرٸڭٸزگە سالا كەتەيٸن, پوليتسييانىڭ مٸندەتٸ – قىلمىستىڭ الدىن الۋ, اشۋ, تەرگەۋ, ياعني قوعامداعى زاڭدىلىقتى ساقتاۋ. قىلمىس پەن پوليتسييا سىيىسپايتىن ۇعىمدار. قوستانايداعى جاعدايعا توقتالساق, بۇل تىڭداۋشىنىڭ, ياعني تەرتٸپ بۇزعان جٷرگٸزۋشٸنٸڭ بولاشاعى بار ەدٸ. اكادەمييادا ماگيستراتۋرادا وقىپ جٷرسە, وسىنداي ەرەكەتكە بارماسا, وندا ٶسەر ەدٸ. مۇنداي جاعدايلاردا بٸز نٶلدٸك تٶزٸمدٸلٸك تانىتامىز. تيٸسٸنشە, ول ٸشكٸ ٸستەر ورگاندارىنان شىعارىلدى. تاباندىلىق تانىتپاعان قىزمەتكەرلەر دە جازالاندى. بٸز زاڭدى بۇزعان پوليتسييا قىزمەتكەرلەرٸنە نٶلدٸك تٶزٸمدٸلٸكپەن قارايمىز. بۇل جۇمىس جالعاسادى», – دەدٸ ول.
ونىڭ ايتۋىنشا, ۆەدومستۆو ٸشٸندە سىبايلاس جەمقورلىقپەن كٷرەسۋ ٷشٸن بٸرقاتار الدىن الۋ شاراسى قابىلدانىپ, تەلٸمگەرلٸك ينستيتۋتى بەلسەندٸ قولدانىلادى.
«بىلتىر كادرلىق ەلەۋەتتٸ ارتتىرۋ جىلىن جارييالاعانىمىزدى ايتا كەتكەن جٶن. ياعني, بٸزدە كٸم قىزمەت ەتەتٸنٸن, مۇنداي جاعدايلاردىڭ قالاي الدىن الۋ كەرەك ەكەنٸن انىقتادىق. Integrity check دەگەن ۇعىمدى ەنگٸزدٸك, ياعني جىل سايىن ادالدىققا تەكسەرەمٸز. سىبايلاس جەمقورلىققا قارسى قىزمەتپەن بٸرلەسكەن ٸس-شارالار جوسپارى بار», – دەپ اتاپ ٶتتٸ ەرجان سەدەنوۆ.
ونىڭ ايتۋىنشا, بٸر عانا جاعىمسىز جاعداي ٶزگە تەرتٸپ ساقشىلارىنىڭ مىڭداعان ەرلٸگٸن «جوق قىلادى». مينيستردٸڭ ايتۋىنشا, قوعامدىق جازعىرۋ زاڭ مەن تەرتٸپتٸ بۇزۋدىڭ الدىن الۋعا كٶمەكتەسەدٸ. ەلدەقايدا اۋىر قۇقىق بۇزۋشىلىقتىڭ العىشارتتارى بولۋى ىقتيمال ەربٸر جاعداي وفيتسەرلەر جينالىسىندا قارالادى.
«ٸسٸنە ۇقىپسىز قىزمەتكەرلەر بولادى, ساتقىندار دا بولادى. بۇل تۇرعىدان دا جۇمىس جٷرگٸزٸلەدٸ. زاڭ الدىندا بەرٸ بٸردەي. بۇل نورمالار بٸزگە دە قاتىستى. تەرتٸپتٸ بۇزساڭ, ول ٷشٸن جاۋاپ بەرۋٸڭ كەرەك. سوندىقتان, قايتالاپ ايتامىن, قۇقىق بۇزۋشىلىق پەن پوليتسييا – بۇل سىيىسپايتىن ۇعىمدار», – دەپ تٷيٸندەدٸ ٸٸم باسشىسى.
